महासंवाद यवतमाळ

 जिल्हाधिकारी विकास मीना यांचे आवाहन  आतापर्यंत 4 लाख 39 हजार शेतकऱ्यांनी नोंदणी पूर्ण यवतमाळ, दि. 2 (जिमाका) : शासनाच्या ‘अॅग्रीस्टॅक या महत्त्वपूर्ण डिजिटल प्रकल्पांतर्गत राज्यातील सर्व शेतकऱ्यांची ‘शेतकरी ओळखपत्र नोंदणी प्रक्रिया सुरू आहे. या उपक्रमाद्वारे प्रत्येक शेतकऱ्याला स्वतंत्र ’१२ अंकी शेतकरी ओळख क्रमांक दिला जात असून, भविष्यातील सर्व कृषी योजनांसाठी हा आयडी अत्यंत महत्त्वाचा ठरणार आहे. अॅग्रीस्टॅक म्हणजे काय? ‘अॅग्रीस्टॅक’ हा केंद्र शासनाचा एक डिजिटल उपक्रम असून, शेतकऱ्यांची संपूर्ण माहिती (जमीन, पिके, लाभधारक माहिती इ.) एकत्रित करून एक एकात्मिक डेटाबेस तयार केला जात आहे. यामुळे शासनाच्या विविध योजनांचा लाभ अधिक जलद, अचूक व पारदर्शक पद्धतीने शेतकऱ्यांपर्यंत पोहोचविणे शक्य होणार आहे. या ‘शेतकरी ओळखपत्र मुळे शेतकऱ्यांना वारंवार कागदपत्रे सादर करण्याची गरज भासणार नाही. तसेच पीएम किसान सन्मान निधी योजना, पीक विमा, कृषी कर्ज तसेच इतर शासकीय योजनांचा लाभ घेणे सुलभ होईल. थेट लाभ हस्तांतरण डी बी टी प्रक्रिया अधिक पारदर्शक व परिणामकारक होणार आहे. यावर्षीपासू...

यवतमाळ, दि. 2 (जिमाका) : लोकांच्या तक्रारी निकाली काढण्याच्यादृष्टीने मार्च महिन्याच्या पहिल्या सोमवारी दि. 6 एप्रिल 2026 रोजी सकाळी 10 वाजता जिल्हाधिकारी कार्यालय येथे जिल्हास्तरीय लोकशाही दिनाचे आयोजन करण्यात आले आहे. या लोकशाही दिनामध्ये न्याय प्रविष्ट प्रकरणे, राजस्व अपिल प्रकरणे, सेवाविषयक, आस्थापना विषयक बाबी, विहीत नमुन्यात नसणारे व आवश्यक त्या कागदपत्राच्या प्रती न जोडलेले अर्ज, अंतिम उत्तर दिलेले आहे असे अर्ज स्वीकारण्यात येणार नाही. तक्रार, निवेदन वैयक्त‍िक स्वरुपाची नसावी. महिन्यातील तिसऱ्या सोमवारी तालुका स्तरावर लोकशाही दिनाचे आयोजन करण्यात येते. त्यामध्ये अर्जाचे निराकरण न झाल्यास जिल्हास्तरीय लोकशाही दिनामध्ये अर्ज सादर करावा. तसेच अर्ज दाखल करतेवेळी तालुकास्तरीय लोकशाही दिनात अर्ज दाखल केल्याची पोच जिल्हास्तरीय लोकशाही दिनामध्ये सादर करावी. याशिवाय संबंधित अर्ज स्विकारले जाणार नाही, यांची नागरिकांनी नोंद घ्यावी, असे आवाहन निवासी उपजिल्हाधिकारी अनिरुध्द बक्षी यांनी केले आहे.

यवतमाळ, दि.2 (जिमाका) : राज्यातील क्रीडा विकासाकरिता मिशन लक्षवेध हा महत्त्वकांशी उपक्रम हाती घेण्यात आलेला आहे. क्रीडा प्रशिक्षण यंत्रणा, क्रीडाविषयक पायाभूत सुविधा, स्पर्धाचे आयोजन, क्रीडा वैद्यकशास्त्र, खेळाडूंना प्रोत्साहन व पुरस्कार, खेळाडूंना करिअर मार्गदर्शन खेळाडूच्या क्षमता विकासासाठी देशी-विदेशी संस्थांचा सहयोग हे सर्व घटक विकसित होण्याच्या दृष्टीने मिशन लक्षवेध ही योजना अंतर्गत जिल्हा क्रीडा अधिकारी कार्यालय यवतमाळ येथे क्रीडा प्रतिभा विकास केंद्रकरीता अॅथलेटीक्स व वेटलिफ्टींग या खेळासाठी मान्यता प्राप्त झालेली आहे. जिल्ह्यात अॅथलेटिक्स व वेटलिफ्टिंग या क्रीडा प्रकारांसाठी अनिवासी क्रीडा प्रतिभा विकास केंद्र सुरू करण्यात येणार असून, पात्र खेळाडूंची निवड करण्यात येणार आहे. इच्छुक खेळाडूंनी आपले अर्ज जिल्हा क्रीडा अधिकारी कार्यालय, जिल्हा क्रीडा संकुल, यवतमाळ येथे प्रत्यक्ष किंवा ईमेलद्वारे 10 एप्रिल 2026 पर्यंत सादर करावेत. प्रवेशासाठी 31 डिसेंबर 2026 रोजी 21 वर्षांखालील मुले व मुली पात्र राहतील. अर्जासोबत जन्म दाखला, शाळा सोडल्याचे प्रमाणपत्र, अधिवास प्रमाणपत्र, आधार का...

यवतमाळ, दि.2 (जिमाका) : सध्याच्या भू-राजकीय परिस्थितीच्या पार्श्वभूमीवर एलपीजीचा पर्याय म्हणून केंद्र शासनाने 12 मार्च रोजीच्या आदेशानुसार राज्याला 3744 किलोलीटर केरोसीनचे नियतन मंजूर केले आहे. यवतमाळ तालुक्यातील सर्व किरकोळ, होलसेल व सेमी होलसेल परवाना धारकांनी आपले केरोसीन परवाने तात्काळ नूतनीकरणासाठी तहसील कार्यालयात सादर करण्याची आवाहन तहसीलदार डॉ योगेश देशमुख यांनी केले आहे. यापूर्वी नूतनीकरणासाठी अर्ज केले असल्यास त्याची पोच देखील जमा करणे आवश्यक आहे. ज्या परवाना धारकांना केरोसीन वाटपात सहभागी व्हायचे नसेल त्यांनी तसे लेखी स्वरूपात तत्काळ कळवावे. तसेच मूळ परवाना धारकाचा मृत्यू झाल्यास वारसाहक्काने परवाना वर्ग करण्यासाठी प्रस्ताव सादर करावे. प्रक्रिया कालमर्यादित असल्याने उशिरा प्राप्त होणाऱ्या अर्जांवर नूतनीकरण किंवा वारस प्रक्रिया संदर्भात कोणताही विचार केला जाणार नाही, याची सर्व संबंधितांनी नोंद घ्यावी.असे यवतमाळचे तहसीलदार डॉ. योगेश देशमुख यांनी कळविले आहे.

 इंडियन आयडॉल फेम अभिजित सावंत यांच्या गाण्यांनी जिंकली प्रेक्षकांची मनं  महोत्सवातील विविध प्रदर्शनीतून सुमारे अडीच कोटींची उलाढाल  सांस्कृतिक कार्यक्रमाला भरगच्च गर्दी यवतमाळ, दि.१ (जिमाका) : राज्य शासनाच्या विविध जिल्हास्तरीय विभागांच्या संयुक्त विद्यमाने आयोजित करण्यात आलेल्या 'यवतमाळ महोत्सव २०२६' दिमाखात समारोप करण्यात आला. या महोत्सवाच्या समारोपीय कार्यक्रमात इंडियन आयडॉल फेम प्रसिद्ध गायक अभिजित सावंत यांच्या गीतगायनाने रंगत आणली. या कार्यक्रमाला नगराध्यक्षा ॲड प्रियदर्शनी उईके, जिल्हाधिकारी विकास मीना, निवासी उपजिल्हाधिकारी अनिरुद्ध बक्षी, जिल्हा अधीक्षक कृषी अधिकारी मनोज ढगे, प्रकल्प संचालक आनंदराव पिंगळे, माविमचे जिल्हा समन्वय अधिकारी सुनील सोसे, जिल्हा माहिती अधिकारी पवन राठोड, जिल्हा ग्रंथालय अधिकारी कविता महाजन, तहसीलदार डॉ. योगेश देशमुख, मुख्याधिकारी शुभम क्यातमवार आदी मान्यवर उपस्थित होते. या यवतमाळ महोत्सवात भरविण्यात आलेल्या कृषी प्रदर्शनी, उमेदच्या समृद्धी मिनी सरस प्रदर्शनी आणि माविमच्या नवतेजस्विनी प्रदर्शनीत कालपर्यंत जवळपास अडीच कोटी रुपयांची उला...