३ एप्रिलला लोकशाही दिनाचे आयोजन

यवतमाळ, दि.२९ (जिमाका):- जिल्हास्तरीय लोकशाही दिनाचे आयोजन सोमवारी ३ एप्रिलला बळीराजा चेतना भवत,(बचत भवन) जिल्हाधिकारी कार्यालय येथे सकाळी १० वाजता करण्यात येत आहे. प्रत्यक्ष लोकशाही दिनात उपस्थित राहणे शक्य होत नसलेल्या नागरिकांना त्यांनी लोकशाही दिनाच्या म्हणजेच दिनांक ३ एप्रिल सकाळी १० वाजेपर्यंत तक्रार अर्ज rdc yavatmal@rdeiffmail.com या ई-मेल वर सादर करावा. सदर मेलवर पाठविलेली तक्रार लोकशाही दिनात समाविष्ट करून घेण्यात येणार आहे.परंतु दिनांक ३ एप्रिलला सकाळी १० वाजता नंतर मेलवर प्राप्त होणाऱ्या तक्रार अर्जाचा लोकशाही दिनात विचार केला जाणार नाही. संबंधीत तक्रारदारांनी यांची नोंद घ्यावी. जनतेच्या तक्रारी किंवा अभिकथने/गाऱ्हांनी हे शासन निर्णयानुसारच स्विकारून त्या अर्जवार कार्यवाही करण्यात येईल,असे निवासी उपजिल्हाधिकारी ललितकुमार वऱ्हाडे यांनी कळविले आहे.