दहावी-बारावी पुरवणी परीक्षा उत्तीर्ण विद्यार्थ्यांना डिप्लोमासाठी प्रवेश

दहावी व बारावीच्या पुरवणी परिक्षेत उत्तीर्ण झालेल्या विद्यार्थ्यांसाठी तंत्रशिक्षण पदविका (डिप्लोमा) अभ्यासक्रमाची प्रवेशप्रक्रिया सुरू झाली आहे. दहावीनंतर प्रथम वर्ष अभियांत्रिकी डिप्लोमा व बारावी/आयटीआय नंतरच्या थेट द्वितीय वर्ष अभियांत्रिकी डिप्लोमा अभ्यासक्रमांच्या संस्थास्तरीय जागांवर प्रवेशासाठी ऑनलाईन नोंदणी व अर्जनिश्चितीसाठी प्रवेशप्रक्रिया ८ सप्टेंबर २०२३ पर्यंत सुरू राहणार आहे. विद्यार्थ्यांनी प्रवेशप्रक्रीया नोंदणी व अधिक माहितीसाठी https//dte.maharashtra.gov.in या संकेतस्थळावर भेट देण्याचे आवाहन शासकीय तंत्रशिक्षणचे प्राचार्य डॉ. राजेंद्र मोगरे यांनी केले आहे.