वाळू उत्खनन, वाहतूकीच्या ई-निविदा प्रकियेस ७ सप्टेंबरपर्यंत मुदतवाढ

पुसद तालुक्यातील वडसद येथील पुरपरिस्थिती निर्माण होणाऱ्या नदीपात्रातील स्थळातून गाळ व गाळमिश्रीत वाळू उत्खनन करुन डेपोपर्यंत वाहतूक करणे व डेपो निर्मीती तसेच व्यवस्थापनाकरिता ई-निविदा काढण्यात आली होती. या कामासाठी तीन किंवा त्यापेक्षा जास्त निविदा प्राप्त न झाल्याने या ई-निविदा प्रकियेला ७ सप्टेंबरपर्यंत मुदतवाढ देण्यात आली आहे.

या ई-निविदा प्रक्रियेत इच्छुक कंत्राटदारांनी सहभागी होण्याचे आवाहन जिल्हाधिकाऱ्यांनी केले आहे. ई-निविदा प्रसिध्द करण्यात आली आहे. ई-निविदा फॉर्म रक्कम ७ सप्टेंबर रोजी दुपारी एक वाजेपर्यंत जमा करता येईल. तसेच ई-निविदा स्विकारण्यात येतील. कंत्राटदारांना ई-निविदा प्रक्रियेत भाग घेण्याकरिता https://mahatenders.gov.in या संकेतस्थळावर ऑनलाईन नोंदणी विहित मुदतीत करणे आवश्यक राहील, असे आवाहन जिल्हाधिकारी कार्यालयाच्यावतीने करण्यात आले आहे.