बाभुळगाव पोलिस ठाण्यात जमा बेवारस वाहनांचा 26 एप्रिलला लिलाव

यवतमाळ दि. 25 एप्रिल (जिमाका) :- पोलीस स्टेशन बाभुळगाव येथे 60 वाहने बेवारस स्थितीत पडुन असल्याने सदर वाहनाचे मुळ मालकाचा शोध घेतला असता वाहनाच्या मुळ मालकाचा पत्ता मिळुन न आल्याने सदर वाहनाचे उप प्रादेशिक परिवहन कार्यालय यवतमाळ यांचे कडुन मुल्यांकन करण्यात आले आहे. बेवारस वाहनांचा जाहीर लिलाव पोलीस स्टेशन, बाभुळगावचे शासकीय प्रांगणात उद्या 26 एप्रिल रोजी सकाठी 10 वाजुन 30 मिनिटांनी सुरु होणार आहे. परवाना धारकांना लिलाव सुरु होण्याआधी अग्रीम निधी 1 लाख रुपये नगदी स्वरुपात जमा करावे लागतील याची नोंद घ्यावी. तसेच लिलावामध्ये मिळुन आलेली रोख रक्कम ही शासन जमा करण्यात येईल असे पोलीस निरीक्षक पोलीस स्टेशन, बाभुळगांव यांनी कळविले आहे.