जिल्हा महिला लोकशाही दिन २० फेब्रुवारीला*

यवतमाळ, दि.१७ फेब्रुवारी (जिमाका):- जिल्हा महिला लोकशाही दिन दर महिन्याच्या तिसऱ्या सोमवारी जिल्हाधिकारी कार्यालयात आयोजीत केला जातो. या महिन्यातील महिला लोकशाही दिन २० फेब्रुवारीला जिल्हाधिकारी यांच्या अध्यक्षतेखाली बचत भवन, जिल्हाधिकारी कार्यालय यवतमाळ येथे आयोजित करण्यात आला आहे. जिल्ह्यातील महिलांनी महिला लोकशाही दिनी आपल्या तक्रारी मांडाव्यात. महिलांनी त्यांच्या तक्रारी प्रथम तालुकास्तरावर तहसीलदार यांचेकडे मांडाव्यात. सदर तक्रारीवर संबंधीत विभागाकडून विहित कालावधीत निरसन न झाल्यास सदर तक्रार जिल्हा महिला लोकशाही दिनात तालुकास्तरीय लोकशाही दिनात केलेले अर्ज व टोकन क्रमांकासह दाखल करावी. लोकशाही दिनात न्यायप्रविष्ट प्रकरणे, विहित नमुन्यात नसलेला व आवश्यक कागदपत्रे न जोडलेला अर्ज तसेच सेवाविषय, आस्थापना विषयक, वैयक्तिक स्वरूपाचे निवेदन व तक्रारी स्विकारल्या जाणार नाही, असे जिल्हा महिला व बाल विकास अधिकारी ज्योती कडू यांनी कळविले आहे.