जिल्ह्यात वाहनांची पीयुसी तपासणी मोहीम

उप प्रादेशिक परिवहन कार्यालय, यवतमाळ यांच्याद्वारे आज दि. 10 नोव्हेंबरपासून जिल्ह्यातील सर्व वाहनाची वायु प्रदूषण प्रमाणपत्र (पीयुसी) तपासणी मोहीम सुरु करण्यात येणार आहे. तपासणी दरम्यान जे मोटार वाहन मालक दोषी आढळून येतील त्यांचेवर मोटार वाहन अधिनियमानुसार दंडात्मक कारवाई केल्या जाईल, याची सर्व मोटार वाहन मालकांनी नोंद घ्यावी, असे आवाहन उप प्रादेशिक परिवहन अधिकारी ज्ञानेश्वर हिरडे यांनी जिल्ह्यातील वाहनमालकांना केले आहे. तेव्हा ज्या वाहन मालकांनी अद्यापपर्यंत वाहनाचे वायु प्रदुषण प्रमाणपत्र (पीयुसी) काढले नाही, त्यांनी सात दिवसात पीयुसी काढून कार्यालयात सादर करावे व होणारी अप्रिय कारवाई टाळावी, असे आवाहन उप प्रादेशिक परिवहन अधिकारी ज्ञानेश्वर हिरडे यांनी केले आहे.