आर्णी येथील आदिवासी वसतीगृहांसाठी अर्ज आमंत्रित

यवतमाळ, दि.१९ (जिमाका) : आर्णी येथील आदिवासी मुलींचे व मुलांच्या शासकीय वसतीगृहात या शैक्षणिक वर्षाची वसतीगृह ऑनलाईन प्रवेश प्रक्रिया सुरु झाली आहे. प्रवेशासाठी इच्छूक विद्यार्थ्यांकडून अर्ज मागविण्यात आले आहे. मुलांच्या वसतीगृहाची प्रवेश क्षमता ७५ व मुलींच्या वसतीगृहाची क्षमता १२५ अशी आहे. प्रवेशासाठी विद्यार्थी, विद्यार्थीनी अनुसूचीत जमातीची असावी. वसतीगृहात विद्यार्थ्यांना निःशुल्क उत्तम राहण्याची व भोजनाची व्यवस्था, निर्वाह भत्ता व ईतर सुविधा पुरविण्यात येते. शासनाने ठरवून दिलेल्या निकषाप्रमाणे डीबीटीद्वारे विद्यार्थ्यांच्या खात्यात रक्कम जमा करण्यात येते, असे आर्णीच्या आदिवासी मुले व मुलींच्या शासकीय वसतीगृहाच्या गृहपालांनी कळविले आहे. 000