लोकशाही दिनात 155 तक्रारी प्राप्त

यवतमाळ, दि 11 आक्टोबर (जिमाका) :- जिल्हास्तरीय लोकशाही दिनात एकूण 155 तक्रारी प्राप्त झाल्या आहेत. या सर्व तक्रारींचा निपटारा पुढील लोकशाही दिनापुर्वी करण्याच्या सूचना जिल्हाधिकारी अमोल येडगे यांनी अधिकाऱ्यांना दिल्या. जिल्हास्तरीय लोकशाही दिनाचे आयोजन सोमवारी जिल्हाधिकारी कार्यालयातील बळीराजा चेतना भवन येथे करण्यात आले होते. याप्रसंगी जिल्हाधिकारी अमोल येडगे यांचेसह, अपर जिल्हाधिकारी प्रमोदसिंह दुबे, निवासी उपजिल्हाधिकारी ललितकुमार वऱ्हाडे व विविध विभागाचे कार्यालय प्रमुख उपस्थित होते.