“नैसर्गिक शेती” विषयावर 6 ऑक्टोबरला पुणे येथे कार्यशाळा

यवतमाळ, दि. 3 ऑक्टोबर (जिमाका):- कृषी विभागामार्फत दिनांक 6 ऑक्टोबर, 2022 रोजी बालेवाडी, क्रिडा संकुल, पुणे येथे “नैसर्गिक शेती” विषयी कार्यशाळा आयोजित करण्यात आली आहे. या कार्यशाळेला जोडून नैसर्गिक शेतीबाबतच्या एका प्रदर्शनाचेही आयोजन करण्यात आले आहे. सदर कार्यशाळेचे थेट प्रक्षेपण कृषि विभागाचे युट्युब चॅनल https:// www.youtube.com/c/AgricuitureDepartmentGoM यावर करण्यात येणार आहे. तसेच सदर कार्यक्रमाचे थेट प्रक्षेपणाची व्यवस्था ग्रामपंचायत कार्यालय, शासकीय कार्यालये, कृषि विज्ञान केंद्र, कृषि संशोधन संस्था इत्यादी ठिकाणी देखील करण्यात येणार आहे. तरी या कार्यशाळेच्या संधीचा जास्तीत जास्त शेतकऱ्यांनी लाभ घ्यावा असे आवाहन कृषी विभागातर्फे करण्यात येत आहे.