महासंवाद यवतमाळ

बाल लैंगिक अत्याचार प्रतिबंधक कायदा, अंमली पदार्थांचे दुष्परिणाम आणि विधी सेवा कायद्याबाबत विद्यार्थ्यांना मार्गदर्शन यवतमाळ, दि. 2 (जिमाका) : जिल्हा विधी सेवा प्राधिकरण, यवतमाळ व शासकीय माध्यमिक व उच्च माध्यमिक आश्रमशाळा, हिवरी यांच्या संयुक्त विद्यमाने ‘नालसा जागृतीअंतर्गत न्याय तळागाळातील माहिती आणि पारदर्शकतेसाठी जागरूकता उपक्रम, २०२५ व अंमली पदार्थ सेवनामुळे होणारे दुष्परिणाम तसेच बाल लैंगिक अत्याचार प्रतिबंध कायदा २०१२’ या विषयावर दि. २७ ऑक्टोबर रोजी कायदेविषयक जनजागृती शिबिराचे आयोजन करण्यात आले. महाराष्ट्र राज्य विधी सेवा प्राधिकरणाच्या निर्देशानुसार तसेच प्रमुख जिल्हा व सत्र न्यायाधीश आनंद एल. यावलकर यांच्या मार्गदर्शनाखाली आणि जिल्हा विधी सेवा प्राधिकरणाचे सचिव दीपक दाभाडे यांच्या पुढाकाराने हा कार्यक्रम घेण्यात आला. कार्यक्रमाच्या अध्यक्षस्थानी शाळेचे मुख्याध्यापक राजेश उगे होते. यावेळी शिक्षिका मिनाक्षी खंडाळकर, सखी वन स्टॉप सेंटरच्या केस वर्कर ललिता गोरे आणि सहाय्यक लोकअभिरक्षक तृप्ती आसवा उपस्थित होत्या. कार्यक्रमात तृप्ती आसवा यांनी विधी सेवा कायदा, १९८७ बाबत माहिती...

पिंपरी गावालगत नाल्यावर ८ मीटर लांबीच्या वनराई बंधाऱ्याची निर्मिती यवतमाळ, दि. 2 (जिमाका) : सध्याच्या दुष्काळसदृश परिस्थितीच्या पार्श्वभूमीवर भूजल पातळीत वाढ करणे तसेच पावसाचे पाणी अडवून जमिनीत जिरविण्याच्या उद्देशाने शासनाच्या ‘पाणी अडवा, पाणी जिरवा’ मोहिमेअंतर्गत भूजल सर्वेक्षण आणि विकास यंत्रणा, , पुणे येथील आयुक्त रवींद्र खेबूडकर यांच्या संकल्पनेतून वरिष्ठ भूवैज्ञानिक कार्यालय, यवतमाळ आणि चिडबर्डी येथील ग्रामस्थ यांच्या संयुक्त विद्यमाने लोकसहभागातून श्रमदान करत पिंपरी गावालगतच्या नाल्यावर ८ मीटर लांबीचा वनराई बंधारा बांधण्यात आला. या उपक्रमाच्या प्रसंगी विभागाचे उपसंचालक डॉ. चंद्रकांत भोयर, वरिष्ठ भूवैज्ञानिक नितीन तट्टे तसेच कार्यालयातील अधिकारी व कर्मचारी उपस्थित होते. यावेळी अधिकारी, कर्मचारी आणि ग्रामस्थांनी एकत्रितपणे श्रमदान करून जलसंधारणाच्या कार्यात सक्रिय सहभाग नोंदविला. वनराई बंधाऱ्यामुळे नाल्यातील वाहून जाणारे पाणी अडविण्यास मदत होणार असून, भूजल पुनर्भरणास हातभार लागणार आहे. परिणामी परिसरातील विहिरींच्या पाणीपातळीत सुधारणा होण्यास तसेच शेतीसाठी उपलब्ध होणाऱ्या जलसाठ्य...

यवतमाळ, दि. 2 (जिमाका) : ओबीसी, ईबीसी आणि डीएनटी विद्यार्थ्यांसाठी राबविण्यात येणाऱ्या पीएम यशस्वी पूर्व-मॅट्रिक व मॅट्रिकोत्तर शिष्यवृत्ती योजनेची प्रभावी अंमलबजावणी करण्यासाठी शैक्षणिक वर्ष २०२६-२७ मध्ये काही योजनांचे अर्ज केवळ नॅशनल स्कॉलरशिप पोर्टलवर (एनएसपी) स्वीकारण्यात येणार आहेत. तर उर्वरित योजनांचे अर्ज पूर्वीप्रमाणे महाडीबीटी पोर्टलवर भरता येणार आहेत. त्यानुसार इयत्ता ९ वी व १० वीच्या ज्या विद्यार्थ्यांच्या पालकांचे वार्षिक उत्पन्न २.५० लाख रुपयांपेक्षा कमी आहे, अशा मुला-मुलींनी शिष्यवृत्तीसाठी राष्ट्रीय शिष्यवृत्ती पोर्टलवर अर्ज करावेत. पालकांचे वार्षिक उत्पन्न २.५० लाख रुपयांपेक्षा जास्त असलेल्या इयत्ता ९ वी व १० वीच्या मुलींचे अर्ज तसेच इयत्ता ५ वी व ८ वीच्या मुलींचे शिष्यवृत्ती अर्ज पूर्वीप्रमाणे सावित्रीबाई फुले शिष्यवृत्ती योजनेंतर्गत महाडीबीटी पोर्टलवर भरावेत. पीएम यशस्वी पोस्ट मॅट्रिक शिष्यवृत्ती योजनेंतर्गत इतर मागासवर्गीय, विशेष मागास प्रवर्ग आणि विमुक्त जाती व भटक्या जमाती प्रवर्गातील विद्यार्थ्यांसाठीच्या मॅट्रिकोत्तर शिष्यवृत्ती योजना तसेच व्यावसायिक अभ्यासक्...

शेतकऱ्यांना सुधारित पीक उत्पादन तंत्रज्ञान, पाणी व्यवस्थापन व एकात्मिक कीड नियंत्रणाबाबत मार्गदर्शन यवतमाळ, दि. 2 (जिमाका) : येथील कृषी विज्ञान केंद्र, येथे ३० ऑक्टोबर रोजी प्रधानमंत्री किसान सन्मान निधी योजनेच्या २४ व्या हप्त्याच्या वितरण कार्यक्रमाचे थेट प्रक्षेपण शेतकऱ्यांना दाखविण्यात आले. पंतप्रधान नरेंद्र मोदी यांच्या हस्ते झालेल्या या कार्यक्रमांतर्गत देशातील ९.३४ कोटी शेतकऱ्यांच्या बँक खात्यांमध्ये एकूण १८ हजार ६८० कोटी रुपयांची रक्कम थेट लाभ हस्तांतरण (डीबीटी) पद्धतीने जमा करण्यात आली. यावेळी पंतप्रधानांनी विविध विकास योजनांसह १२ फलोत्पादन समूहांचा शुभारंभ केला तसेच शेतकऱ्यांना संबोधित केले. या कार्यक्रमाच्या निमित्ताने कृषी विज्ञान केंद्र, यवतमाळ येथे आयोजित कार्यक्रमाला जिल्हा अधीक्षक कृषी अधिकारी मनोजकुमार ढगे, कृषी विज्ञान केंद्राचे वरिष्ठ शास्त्रज्ञ तथा प्रमुख डॉ. दीपक कच्छवे यांच्यासह केंद्रातील शास्त्रज्ञ व कर्मचारी उपस्थित होते. यावेळी जिल्हा अधीक्षक कृषी अधिकारी मनोजकुमार ढगे यांनी कृषी विभागामार्फत राबविण्यात येणाऱ्या विविध शासकीय योजनांची माहिती देऊन शेतकऱ्यांन...

 पोकरा प्रकल्प टप्पा २.० अंतर्गत अर्ज प्रक्रिया सुरू  पात्र महिला बचत गटांना लाभ घेण्याचे आवाहन यवतमाळ, दि. 2 (जिमाका) : नानाजी देशमुख कृषी संजीवनी प्रकल्प पोकरा टप्पा २.० अंतर्गत गावस्तरावरील कृषी अवजारे बँक या घटकासाठी पात्र गटांकडून अर्ज मागविण्यात आले आहे. या योजनेतून पात्र बचत गटांना कृषी अवजारे बँक स्थापन करण्यासाठी प्रकल्प किमतीच्या ६० टक्के अनुदान तत्वावर लाभ मिळणार आहे. कृषी विभागामार्फत अर्ज प्रक्रिया सुरू करण्यात आली असून इच्छुक पात्र गटांनी या योजनेचा लाभ घ्यावा, असे आवाहन प्रकल्पाचे नोडल अधिकारी नितीन घाडगे यांनी केले आहे. या योजनेसाठी गावातील महाराष्ट्र राज्य ग्रामीण जीवनोन्नती अभियान (उमेद) व महिला आर्थिक विकास महामंडळ (माविम) पुरस्कृत महिला बचत गट, महिला ग्रामसंघ तसेच आत्मा पुरस्कृत महिला शेतकरी बचत गट पात्र राहणार असून अर्ज करू शकणार आहेत. मात्र, अर्ज करण्यासाठी संबंधित बचत गटाला दोन आर्थिक वर्षे पूर्ण झालेली असणे आवश्यक आहे. प्रकल्प किमतीच्या ६० टक्के अनुदान गावस्तरावर कृषी अवजारे बँक उभारण्यासाठी प्रकल्पाच्या एकूण किमतीच्या ६० टक्के अनुदान मिळणार आहे....

> दत्तक पालकांचे पालकत्वाचे स्वप्न साकार ; > जिल्हाधिकारी यांच्या हस्ते आदेश वितरित यवतमाळ, दि. 2 (जिमाका) : महिला व बाल विकास विभागामार्फत राबविण्यात येणाऱ्या दत्तक विधान नियमावली २०२२ अंतर्गत जिल्ह्यात प्रथमच तीन दत्तक विधान आदेश यशस्वीरीत्या पारित करण्यात आले आहेत. या प्रक्रियेमुळे तीन बालकांना प्रेम, माया, सुरक्षितता आणि हक्काचे कुटुंब मिळाले असून, दत्तक पालकांचे अनेक वर्षांपासूनचे पालकत्वाचे स्वप्न साकार झाले आहे. दत्तक विधान ही केवळ कायदेशीर प्रक्रिया नसून, बालकांना प्रेमळ कुटुंब, सुरक्षित वातावरण आणि उज्ज्वल भविष्य देणारी संवेदनशील सामाजिक प्रक्रिया आहे. जिल्ह्यातील या तीनही दत्तक प्रकरणांमध्ये बालकांच्या सर्वोत्तम हिताला सर्वोच्च प्राधान्य देण्यात आले. त्यासाठी आवश्यक कायदेशीर तरतुदींची पूर्तता, कागदपत्रांची पडताळणी तसेच विविध स्तरांवरील प्रक्रिया पूर्ण करून संपूर्ण दत्तक विधान प्रक्रिया पारदर्शक व नियमानुसार पार पाडण्यात आली. जिल्हाधिकारी विकास मीना यांनी संबंधित दत्तक विधान आदेश पारित करून या संवेदनशील प्रक्रियेला अंतिम मान्यता दिली. त्यांच्या मार्गदर्श...