राष्ट्रीय मतदार दिवसानिमित्त रॅलीचे आयोजन
यवतमाळ, दि. २४ जानेवारी (जिमाका):- राष्ट्रीय मतदार दिवसानिमित्त २५ जानेवारी रोजी रॅलीचे आयोजन करुन मतदान यादीतील नाव नोंदणी व मतदानाचा हक्क याबाबत जनजागृती करण्यात येणार आहे. २५ जानेवारी २०२३ रोजी आझाद मैदान यवतमाळ येथे सकाळी साडेसात वाजता रॅलीचा शुभारंभ होणार असून यामध्ये ५०० विदयार्थी उपस्थित राहणार आहे. सदर रॅली ही आझाद मैदान-पोलीस स्टेशन यवतमाळ-नेताजी चौक-बस स्टॅन्ड-एल.आय.सी.चौक या मार्गाने मार्गक्रमण करुन बचत भवन जिल्हाधिकारी कार्यालय यवतमाळ येथे सामारोप होणार आहे अशी माहिती तहसिलदार तथा सहाय्यक मतदार नोंदणी अधिकारी कुणाल झाल्टे यांनी दिली आहे. नागरिकांनी यात सहभागी होण्याचे त्यांनी आवाहन केले आहे.
जिल्हाधिकाऱ्यांकडून नववर्षात तीन स्थानिक सुट्ट्या जाहीर
आदेशजारी यवतमाळ, दि. 12 (जिमाका) : सन २०२६ या वर्षासाठी जिल्हाधिकारी विकास मीना यांनी यवतमाळ जिल्ह्यात तीन स्थानिक सार्वजनिक सुट्ट्या जाहीर केल्या आहेत. राजनैतिक सेवा विभागाच्या शासन निर्णयानुसार प्रदान करण्यात आलेल्या अधिकारांचा वापर करून या सुट्ट्यांबाबतचा आदेश निर्गमित करण्यात आला आहे. घोषित करण्यात आलेल्या आदेशानुसार शुक्रवार, दि. २८ ऑगस्ट २०२६ रोजी रक्षाबंधन, शुक्रवार, १८ सप्टेंबर २०२६ रोजी जेष्ठागौरी पूजन आणि सोमवार, ९ नोव्हेंबर २०२६ रोजी लक्ष्मीपूजन (दुसरा दिवस) या दिवशी स्थानिक सुट्टी जाहीर करण्यात आली आहे. या सुट्ट्या यवतमाळ जिल्ह्यातील सर्व शासकीय कार्यालयांना लागू राहतील. मात्र जिल्ह्यातील दिवाणी व फौजदारी न्यायालये तसेच अधिकोष यांना हा आदेश लागू राहणार नाही, असे आदेशात नमूद करण्यात आहे. 000000
Comments
Post a Comment