महाराष्ट्र शासन वृत्त क्र. 594 जिल्हा माहिती कार्यालय, यवतमाळ दि.01/07/20 17 वृक्ष लागवड मोहिमेने राज्याची वाटचाल पर्यावरण क्रांतीकडे - पालकमंत्री मदन येरावार * एकच लक्ष 4 कोटी वृक्ष लागवडीचा जिल्ह्यात शुभारंभ यवतमाळ , दि. 01 : आज संपूर्ण देश जीएसटीच्या माध्यमातून अर्थ क्रांतीकडे जात आहे. आपल्या राज्यातसुध्दा “ ग्रीन स्टेट विथ ट्रिज ” ही संकल्पना राबविण्यात येत असून ही एकप्रकारे पर्यावरण संदर्भातील जीएसटीच आहे. त्यामुळे आजपासून सुरु झालेल्या वृक्ष लागवड मोहिमेच्या माध्यमातून आपल्या राज्याची वाटचाल पर्यावरण क्रांतीकडे होत आहे, असे प्रतिपादन पालकमंत्री मदन येरावार यांनी केले. वन विभागाच्या वतीने फॉरेस्ट पार्क ज...
