निवृत्तीवेतनधारकांसाठी ‘महा-उपलब्धी’ अॅप ९ सप्टेंबरला कार्यशाळेचे आयोजन
यवतमाळ दि. 7 (जिमाका): यवतमाळ कोषागारामधून निवृत्तीवेतन अथवा कुटुंब निवृत्तीवेतन घेणाऱ्या राज्य शासनाच्या सर्व कुटुंब निवृत्तीवेतनधारकांसाठी ‘महा-उपलब्धी’ ॲप कार्यान्वित करण्यासाठी कार्यशाळेचे आयोजन करण्यात आले आहे. ही कार्यशाळा बुधवार, ९ सप्टेंबर रोजी सकाळी ११ ते दुपारी १२ वाजेपर्यंत बळीराजा चेतना भवन बचत भवन, जिल्हाधिकारी कार्यालय परिसर, यवतमाळ येथे आयोजित करण्यात आली आहे.
जिल्ह्यातील
सर्व निवृत्तीवेतनधारक व कुटुंब निवृत्तीवेतनधारकांनी कार्यशाळेस प्रत्यक्ष
उपस्थित राहावे. ‘महा-उपलब्धी’
ॲप कार्यान्वित करताना येणाऱ्या अडचणींचे निराकरण करून घेण्यासाठी या कार्यशाळेचा लाभ
घेण्याचे आवाहन जिल्हा कोषागार अधिकाऱ्यांनी केले आहे.
‘महा-उपलब्धी’अॅपमध्ये हयातीचा दाखल्याची सुविधा
‘महा-उपलब्धी’ ॲपमध्ये हयातीच्या दाखल्याची
सुविधा उपलब्ध करून देण्यात येणार आहे. त्यासाठी यवतमाळ कोषागारामधून निवृत्तीवेतन
अथवा कुटुंब निवृत्तीवेतन घेणाऱ्या सर्व लाभार्थ्यांनी संबंधित बँकेमध्ये आपली ई-केवायसीची
कार्यवाही २२ सप्टेंबर २०२६ पर्यंत पूर्ण करून घ्यावी, असे आवाहन जिल्हा कोषागार अधिकारी
यांनी केले आहे.
Comments
Post a Comment