मधुमक्षिकापालनाला चालना!

> जिह्यात राष्ट्रीय मधुमक्षिकापालन व मध अभियान यवतमाळ, दि. 12 (जिमाका) : मधुमक्षिकापालनाला चालना देऊन मध उत्पादन, शेतकऱ्यांचे उत्पन्न व रोजगार वाढविणे, तसेच मध व इतर पोळे उत्पादनांच्या गुणवत्तेत सुधारणा करणे हा राष्ट्रीय मधुमक्षिकापालन व मध अभियानाचा प्रमुख उद्देश आहे. योजनेची प्रमुख उद्दिष्टे - उत्पन्न व रोजगार निर्मिती, दर्जेदार मध केंद्र/साठवण सुविधांचा विकास, मध व इतर पोळे उत्पादनांच्या परीक्षणासाठी आधुनिक प्रयोगशाळा उभारणे, मधाचे ब्रॅंडिंग व बाजारपेठ विकास, मधाचे प्रमुख फायदे-मध नैसर्गिक ऊर्जा देणारे व प्रतिकारशक्ती वाढविण्यास उपयुक्त असून सर्दी, खोकला, घसा व दमा यांसारख्या त्रासांमध्ये उपयोगी आहे. मधामध्ये अँटीबायोटिक व अँटीसेप्टिक गुणधर्म आढळतात. पात्रता व महत्त्वाच्या अटी-लाभार्थी संस्था/संघटना यांनी NITI Aayog च्या Darpan Portal वर नोंदणी केलेली असणे आवश्यक NBB चे पात्र सदस्य, पायाभूत सुविधांसाठी मधुमक्षिकापालन, मध उत्पादन, प्रक्रिया व विपणन क्षेत्रातील नोंदणीकृत संस्था पात्र. वैयक्तिक मधुमक्षिका पालकांच्या बाबतीत NBB कडे आधी नोंदणीकृत पालकांना प्राधान्य. आर्थिक मर्यादा- एका संस्था/सदस्याला एका वर्षात प्रकल्पासाठी जास्तीत जास्त ₹४५ लाख निधी मिळू शकतो. ही मर्यादा संस्थेचा अनुभव, क्षमता व NBB च्या मार्गदर्शक तत्त्वांनुसार लागू राहील. अभियानाचे प्रमुख घटक लघु अभियान-१ मधमाशीपालन केंद्रे, मधमाशी प्रजनन केंद्रे, मध परीक्षण प्रयोगशाळा, रोगनिदान व उपचार सुविधा, मध प्रक्रिया केंद्रे, उपकरणे व प्रशिक्षण यांचा विकास. लघु अभियान -२ मध व इतर पोळे उत्पादनांचे संकलन, प्रक्रिया, पॅकिंग, साठवणूक, विपणन केंद्रे व नवीन प्रक्रिया युनिट्सची उभारणी. लघु अभियान- ३ स्थानिक परिस्थितीनुसार संशोधन, तंत्रज्ञान विकास,मधुमक्षिकापालनातील समस्या सोडविणे व मधाच्या गुणवत्तेत सुधारणा करण्यासाठी संशोधनाला प्रोत्साहन देणे.(शेतकरी, मधुमक्षिका पालक, FPO, SHG, कंपन्या व संबंधित संस्थांनी NBHM अंतर्गत उपलब्ध योजनांचा लाभ घ्यावा. अधिक माहितीसाठी www.nbhm.gov.in/www.nbb.gov.in या संकेतस्थळांना भेट द्यावी किंवा जवळच्या कृषी कार्यालयाशी संपर्क साधावा असे आवाहन मनोजकुमार ढगे जिल्हा अधिक्षक कृषि अधिकारी, यवतमाळ यांनी केले आहे.