लोकशाही दिनी 73
निवेदने दाखल
यवतमाळ, दि. 4 : जिल्हाधिकारी कार्यालयातील बचत भवन येथे
झालेल्या लोकशाही दिनात एकूण 73 तक्रारी, निवेदने दाखल झाली. यावेळी जिल्हाधिकारी सचिंद्र
प्रताप सिंह यांनी प्रलंबित प्रकरणांचा आढावा घेतला. प्रत्येक विभागाकडे प्रलंबित असलेल्या
प्रकरणांचा आढावा त्यांनी यावेळी घेऊन प्रदिर्घ कालावधीपासून प्रलंबित असलेली प्रकरणे
निकाली काढण्याच्या सुचना त्यांनी सर्व विभाग प्रमुखांना केल्या.
लोकशाही दिन कार्यक्रमाला पोलीस अधीक्षक अखिलेखकुमार सिंग,
अतिरिक्त जिल्हाधिकारी लक्ष्मण राऊत, निवासी उपजिल्हाधिकारी राजेश खवले, उपवनसंरक्षक
प्रमोदचंद लाकरा यांच्यासह सर्व विभागप्रमुख अधिकारी उपस्थित होते. मागील लोकशाही दिनातील
139 प्रलंबित प्रकरणे निकाली काढण्यात आली असून उर्वरित प्रकरणे तातडीने निकाली काढण्याच्या
सुचना जिल्हाधिकारी यांनी केल्या.
00000
Comments
Post a Comment