स्वच्छ गाव, सुरक्षित जलवायु मोहिमेतून पर्यावरण संवर्धन करा

अल्पसंख्यांक विद्यार्थी बहुलशाळांसाठी अनुदान योजना

यवतमाळ, दि. 6 : धार्मिक अल्पसंख्यांक विद्यार्थी बहुल शासनमान्य खाजगी शाळा, कनिष्ठ महाविद्यालय, औद्योगिक प्रशिक्षण संस्था व अपंग शाळांना पायाभुत सोई-सुविधा पुरविण्यासाठी अनुदान योजना राबविण्यात येत आहे. यासाठी इच्छुक शाळांनी दिनांक 8 ऑगस्टपर्यंत जिल्हा नियोजन समिती कार्यालय, यवतमाळ येथे अर्ज करावे, असे आवाहन करण्यात आले आहे.

धार्मिक अल्पसंख्यांक विद्यार्थी बहुल शाळांना पायाभुत सुविधांसाठी कमाल 2 लक्ष पर्यंत अनुदान देण्यात येते. मुस्लीम, बौध्द, ख्रिश्चन, जैन, शिख, पारसी व जु या अल्पसंख्यांक समाजाच्या विद्यार्थ्यांची किमान 70 टक्के विद्यार्थी संख्या असलेल्या शाळांना सदर अनुदान दिल्या जाते. तसेच मान्यताप्राप्त अपंगांच्या शाळांमध्ये 50 टक्के अल्पसंख्यांक विद्यार्थी असणे आवश्यक आहे. अनुदान योजनेबाबतची अधिक माहिती https://mdd.maharashtra.gov.in या संकेतस्थळावर उपलब्ध आहे. जिल्ह्यातील इच्छुक शाळा, संस्थांनी विहीत नमुन्यातील परिपूर्ण भरलेले अर्ज आवश्यक कागदपत्रांसह जिल्हा नियोजन समिती, जिल्हाधिकारी कार्यालय, यवतमाळ येथे दिनांक 8 ऑगस्टपर्यंत सादर करावे, असे जिल्हाधिकाऱ्यांनी कळविले आहे.

000000000