पुढिल दोन दिवस पाणीपुरवठा बंद
यवतमाळ दि. २४ : यवतमाळ पाणी पुरवठा योजना देखभाल दुरुस्ती अंतर्गत दर्डा नगर एमबीआर टाकीच्या व्हॉल्व्हचे मुख्य गेट पडल्यामुळे दुरुस्तीचे काम सुरु आहे. त्यामुळे दर्डा मुख्य संतुलन टाकी अंतर्गत ७ उंच पाण्याच्या टाकीवरुन दर्डा नगर, बेले लेआऊट, वनवासी मारोती, सुयोग नगर-२. शिवाजी नगर, ग्राम पंचायत लोहारा उंच पाण्याच्या टाकीवरुन होणारा पाणी पुरवठा पुढिल दोन दिवस उशिराने होईल.
तसेच वाघापुर टेकडी मुख्य संतुलन टाकी (एमबीआर) च्या स्लॅबचे लिकेज दुरुस्तीचे काम पुर्ण न झाल्यामुळे वाघापुर एमबीआर टाकी झोनअंतर्गत वैभव नगर, वाघापुर टेकडी, प्रिया रेसिडेन्सी, मेडीकल टाकी, विठ्ठलवाडी, बालाजी टाकी, विसावा टाकी, पॉलिटेक्नीक, चांदोरे नगर टाकी ९ उंच पाण्याच्या टाकीवरुन होणारा पाणी पुरवठा दि. 26 व 27 सप्टेंबर 2026 पर्यंत दोन दिवस पुर्णपणे बंद राहील.
तरी नागरिकांनी पाण्याचा जपून वापर करावा असे महाराष्ट्र जीवन प्राधीकरण विभागाव्दारे कळविण्यात आले आहे.
000
Comments
Post a Comment