नेर तालुक्यात मतदार यादी पुनरीक्षण कामाचा जिल्हाधिकाऱ्यांकडून आढावा

यवतमाळ : जिल्हाधिकारी विकास मीना यांनी काल नेर तालुक्याला भेट देऊन मतदार यादीच्या विशेष सखोल पुनरीक्षण (एसआयआर) कार्यक्रमांतर्गत सुरू असलेल्या कामकाजाचा आढावा घेतला.

यावेळी त्यांनी उपस्थित सहाय्यक निवडणूक नोंदणी अधिकारी (AERO), बीएलओ सुपरवायझर तसेच बूथ लेव्हल अधिकारी (BLO) यांच्या कामकाजाची सविस्तर माहिती घेतली. तसेच मतदार यादी पुनरीक्षणाची कार्यपद्धती, नोंदणी प्रक्रिया आणि प्रत्यक्ष सुरू असलेल्या कामाची पाहणी केली.

मतदार यादी पुनरीक्षणाचे काम निर्धारित वेळेत आणि अचूकपणे पूर्ण व्हावे, यासाठी जिल्हाधिकारी विकास मीना यांनी संबंधित अधिकाऱ्यांना आवश्यक सूचना दिल्या. 

तसेच कामामध्ये कोणतीही त्रुटी राहू नये आणि प्रत्येक पात्र मतदाराची नोंद सुनिश्चित करण्यावर भर देण्याच्या सूचना त्यांनी दिल्या.