प्रधानमंत्री राष्ट्रीय बाल पुरस्कारासाठी ऑनलाईन अर्ज करण्याचे आवाहन

 

 यवतमाळ, दि. 9 (जिमाका) : भारत सरकारद्वारे ५ ते १८ वर्ष वयोगटातील बालकांना त्यांच्या शौर्याकरिता देण्यात येणाऱ्या प्रधानमंत्री राष्ट्रीय बाल पुरस्कारासाठी 31 जुलैपर्यंत ऑनलाईन अर्ज सादर करण्याचे आवाहन करण्यात आले आहेत. त्यासाठी https://www.awards.gov.in  या संकेतस्थळावर अर्ज करावे लागणार आहे.

  पुरस्काराबाबतच्या पात्रता व अटी संकेतस्थळावर उपलब्ध करण्यात आल्या आहेत. पुरस्कारासाठी प्राप्त ऑनलाईन अर्जाच्या आधारे केंद्रीय महिला व बाल विकास मंत्रालय, नवी दिल्ली मार्फत चाळणी करून पात्र बालकांची निवड करण्यात येणार आहे व त्या बालकास प्रधानमंत्री राष्ट्रीय बाल पुरस्कार देशाचे प्रधानमंत्री यांच्या हस्ते प्रदान करण्यात येणार आहे.

 जिल्ह्यातील जास्तीत जास्त इच्छुक पात्र बालकांनी शौर्य पुरस्काराकरिता ऑनलाईन अर्ज सादर करावा, असे आवाहन जिल्हा महिला व बाल विकास अधिकारी मारोती पवार यांनी केले आहे.