जात वैधता पडताळणीसाठी १ जुलैपासून प्रस्ताव स्वीकारणार

शैक्षणिक सत्र २०२६-२७ मध्ये बारावी विज्ञान शाखेत प्रवेश घेतलेल्या मागासवर्गीय, अनुसूचित जाती, विमुक्त जाती-भटक्या जमाती, सामाजिक व शैक्षणिकदृष्ट्या मागास प्रवर्ग तसेच विशेष मागास प्रवर्गातील विद्यार्थ्यांसाठी जात वैधता प्रमाणपत्र पडताळणी प्रस्ताव स्वीकारण्याची प्रक्रिया १ जुलै २०२६ पासून सुरू करण्यात येणार आहे. संबंधित विद्यार्थ्यांनी आपले जात वैधता प्रमाणपत्र पडताळणीचे प्रस्ताव १ जुलै ते ३१ डिसेंबर २०२६ या कालावधीत जिल्हा जात प्रमाणपत्र पडताळणी समिती कार्यालयात सादर करावेत, असे आवाहन करण्यात आले आहे.