चिचबर्डी येथे ‘शाळा प्रवेशोत्सव’ साजरा

जिल्हाधिकारी विकास मीना यांच्या आदेशानुसार विद्यार्थ्यांच्या स्वागतासाठी जिल्ह्यातील विविध विभागांच्या प्रमुख अधिकाऱ्यांनी शाळांना भेटी देवून ‘शाळा प्रवेशोत्सव’ साजरा केला. दरम्यान यवतमाळ तालुक्यातील चिचबर्डी येथील जिल्हा परिषद उच्च प्राथमिक शाळेत जिल्हा माहिती अधिकारी पवन राठोड यांच्या उपस्थितीत ‘शाळा प्रवेशोत्सव’ समारंभ पार पडला. यावेळी त्यांच्या हस्ते विद्यार्थ्यांना गणवेश व पाठ्यपुस्तकाचे वाटप करण्यात आले. यावेळी मुख्याध्यापिका संगीता चनेकर, लिपीक विजय राठोड यांच्यासह शिक्षकवृंद, पालक उपस्थित होते.