आदिवासी मुलांच्या शासकीय वसतिगृहासाठी खासगी इमारतींचे प्रस्ताव आमंत्रित

वणी येथील २५० विद्यार्थी क्षमतेच्या आदिवासी मुलांचे शासकीय वसतिगृहासाठी प्रवेशित विद्यार्थ्यांच्या निवासासाठी वणी शहरात सर्व सोयी-सुविधांनी युक्त खासगी इमारत भाडेतत्त्वावर देवू इच्छिणाऱ्या व्यक्ती किंवा संस्थांनी संपर्क साधण्याचे आवाहन सहायक जिल्हाधिकारी तथा प्रकल्प अधिकारी रेवैयाह डोंगरे यांनी केले आहे. वसतिगृहासाठी आवश्यक असलेल्या इमारतीमध्ये २५० विद्यार्थ्यांच्या निवासक्षमतेनुसार किमान ५० खोल्या असाव्यात. तसेच इमारतीचे बांधकाम क्षेत्रफळ सुमारे १० हजार चौरस फूट, २० शौचालये, २० स्नानगृहे तसेच वीज, पाणी व इतर सर्व मूलभूत सुविधा उपलब्ध असणे आवश्यक आहे. वणी शहरातील शैक्षणिक संस्थांच्या परिसरात अशा प्रकारची इमारत भाड्याने देण्यास इच्छुक असलेल्या इमारत मालकांनी किंवा संस्थांनी आवश्यक सर्व कागदपत्रांसह इमारत भाडेतत्त्वावर देण्याबाबतचा प्रस्ताव दि. ३ जुलैपर्यंत सहायक जिल्हाधिकारी तथा प्रकल्प अधिकारी, एकात्मिक आदिवासी विकास प्रकल्प, पांढरकवडा यांच्या कार्यालयात सादर करावा, असे आवाहन करण्यात आले आहे.