कोरोनामुळे अनाथ 12 बालकांना पी.एम. केअर योजनेचा लाभ
आपण जिल्हा प्रशासनाची दत्तक बालकेच
कोणत्याही अडचणीत
संपर्क साधण्याचे जिल्हाधिकारी यांचे अनाथ बालकांना आवाहन
यवतमाळ दि. ३० : यवतमाळ जिल्ह्यात
कोविडमुळे १२ बालकांचे दोन्ही पालक
दगावलेले आहे. या बालकांना आपण जिल्हा प्रशासनाची दत्तक बालके असून कोणत्याही
अडचणीच्या प्रसंगी मदतीसाठी संपर्क साधण्याचे आवाहन जिल्हाधिकारी अमोल येडगे यांनी
केले आहे.
कोविड महामारीमुळे ज्या बालकांचे
दोन्ही पालक, कायदेशीर पालक, दत्तक पालकांचे निधन होऊन अनाथ झालेल्या बालकांच्या
काळजी व संरक्षणासाठी अर्थसहाय्य उपलब्ध व्हावे, म्हणून पी.एम. केअर फॉर चिल्ड्रेन
स्कीम या योजनेची घोषणा प्रधाणमंत्री नरेंद्र मोदी यांनी केली असून त्यांच्या
हस्ते आज देशभरात कोरोनामुळे अनाथ बालकांना या योजनेचा लाभ देण्याची सुरवात
करण्यात आली.
यवतमाळ येथे जिल्हाधिकारी कार्यालयाच्या महसूल भवन येथे या अनाथ बालकांना
पि. एम. केअर फॉर चिल्ड्रन या केंद्र शासनाच्या योजनेअंतर्गत जिल्हाधिकारी अमोल
येडगे यांच्या हस्ते लाभ देण्यात आला. यावेळी झालेल्या कार्यक्रमात बालकांना तसेच
पालकांना योजनेच्या किटचे वाटप करण्यात आले. या किटमध्ये बालकांना पी.एम. केअर फॉर
चिल्ड्रेन स्कीम चे पासबुक, हेल्थ कार्ड / आयुष्यमान कार्ड, पंतप्रधान यांचे
बालकांना पत्र आणि मुलांचे स्नेह पत्र यांचा किटमध्ये समावेश आहे. जिल्ह्यात १८
वर्षाखालील ०८ आणि १८ वर्षावरील ४ अशा एकूण
१२ बालकांना या योजनेचा लाभ मिळणार आहे.
यावेळी जिल्हाधिकारी यांनी सर्व बालकांना काय अडचण आहे का, सर्व लाभ
मिळाले का, सानुग्रह अनुदान मिळाले काय, अजून काय मदत पाहिजे याबाबत विचारणा केली.
यावेळी मारेगाव, नेर व घाटंजीच्या अनाथ मुलींच्या पालकांनी घराबाबत अडचण व्यक्त
केली असता जिल्हाधिकारी यांनी त्याबाबत तात्काळ दखल घेवून संबंधीतांना त्यांच्या
अडचणींचे निराकरण करण्याच्या सूचना दिल्या. तसेच जात प्रमाणपत्र लवकर मिळण्यासाठी
आवश्यक मदत करण्याचे आश्वासन दिले.
या
योजनेअंतर्गत बालकांना २३ वर्षापर्यत आयुष्यमान भारत योजने अंतर्गत पाच लाख
रुपयाचे आरोग्य कवच, २३ व्या वर्षी १० लाख रुपये रक्कम मिळणार तसेच १८ वर्षे पूर्ण
झालेल्या बालकांना मासिक आर्थिक सहाय्य ५५००/- रुपये प्रतिमहा, मोफत शालेय शिक्षण,
उच्च शिक्षणासाठी शैक्षणिक कर्ज, १ ली ते १२ च्या विद्यार्थ्यांना २०,०००/- मासिक
शिष्यवृत्ती, कौशल्य प्रशिक्षण, ५००००/- रुपये सानुग्रह अनुदान अश्या सर्वांगीण
लाभाचे स्वरूप या योजनेचे आहे.
याप्रसंगी
मुख्य कार्यकारी अधिकारी डॉ. श्रीकृष्ण पांचाळ, जिल्हा महिला व बाल विकास अधिकारी ज्योती
कडू, बाल कल्याण समिती अध्यक्ष अॅड. प्राची निलावार, जिल्हा बाल संरक्षण अधिकारी
देवेंद्र राजूरकर, बालगृह अधीक्षक गजानन जुमळे, बाल न्याय मंडळचे सदस्य अॅड काजल
कावरे, राजू भगत, जिल्हा शल्य
चिकित्सकच्या डॉ. रमा बाजोरिया, शिक्षण विभागाच्या शिल्पा पोनपल्लीवार, पोस्ट
ऑफिसचे सी. के. लोखंडे, जिल्हा बाल संरक्षण कक्षचे अविनाश पिसुर्डे, महेश हळदे,
माधुरी पावडे, स्वप्नील शेटे, सुनील बोक्से, वनिता शिरफुले, कोमल नंदपटेल व आकाश
बुर्रेवार आणि बालकांचे नातेवाईक उपस्थित होते.
०००००
Comments
Post a Comment