अवैध रेती उत्खनन करणा-यांवर धडक कारवाई
जिल्हा प्रशासनाने केला 11 लाखांचा दंड वसूल * विशेष पथकाद्वारे होणार कारवाई यवतमाळ, दि. 28 : रेती घाटांवर उत्खननाची परवानगी नसतांना अवैधरित्या रेती उत्खनन करणा-यांवर जिल्हा प्रशासनाने विशेष पथकाद्वारे कारवाई करून 11 लाखांचा दंड वसूल केला आहे. ही कारवाई दि. 27 फेब्रुवारी रोजी रात्रीच्या दरम्यान करण्यात आली. जिल्ह्यातील सर्व उपविभाग व तहसील कार्यालयांतर्गत असलेल्या रेती घाटांचा लिलाव झालेला नसतांनासुध्दा अवैधरित्या होणा-या रेती उत्खननास आळा बसण्याच्या दृष्टीने सात पथके तयार करण्यात आली. यात यवतमाळ, उमरखेड, पुसद, केळापूर, वणी आणि दारव्हा येथील उपविभागीय अधिकारी तर बाभुळगाव येथील तहसीलदार यांच्या नेतृत्वात पथकाने 11 प्रकरणात कारवाई करून 11 लक्ष 46 हजार 500 रुपयांचा दंड वसूल केला. यात आर्णि तालुक्यात सात प्रकरणे, महागाव तालुक्यात एक, घाटंजी तालुक्यात दोन तर राळेगाव तालुक्यातील एका प्रकरणाचा समावेश आहे. अवैध रित्या रेती उत्खनन करणा-या आर्णि येथील सात प्रकरणात एकूण 8 लक्ष 7 हजार 800 रुपयांचा दंड, महागाव येथील एका प्रकरणात 1 लक्ष 79 हजार, घाटंजी येथील दोन प्रकरणात 2 लक्ष