सदोबा येथील आदिवासी वसतीगृहासाठी प्रवेश प्रक्रिया

यवतमाळ, दि.19 (जिमाका) : आर्णी तालुक्यातील सदोबा सावळी येथील आदिवासी मुलांच्या शासकीय वसतीगृहासाठी या शैक्षणिक वर्षाकरीता वसतीगृह ऑनलाईन प्रवेश प्रकिया सुरु झाली आहे. ईच्छूक विद्यार्थ्यांनी अर्ज सादर करण्याचे आवाहन करण्यात आले आहे. या वसतीगृहाची प्रवेश क्षमता ७५ इतकी आहे. प्रवेशासाठी विद्यार्थी हा अनुसूचीत जमातीचा असावा. वसतीगृहात विद्यार्थ्याला निःशुल्क उत्तम राहण्याची व भोजनाची व्यवस्था, निर्वाह भत्ता व ईतर सुविधा पुरविण्यात येते. शासनाने ठरवून दिलेल्या निकषाप्रमाणे डीबीटीद्वारे विद्यार्थ्यांच्या खात्यात रक्कम जमा करण्यात येते, असे सदोबा सावळीच्या आदिवासी मुलांच्या शासकीय वसतीगृहाच्या गृहपालांनी कळविले आहे. 000