जिल्ह्यात 24 तासात जिल्हयात 38 कोरोनामुक्त, 13 पॉझेटिव्ह, एक मृत्यू

 

जीएमसी, खाजगी व डीसीएचसीमध्ये एकूण 2200 बेड उपलब्ध

यवतमाळ, दि. 15 जून :  जिल्ह्यात कोरोनाबाधित रुग्णांमध्ये दिवसेंदिवस घट होत आहे. गेल्या 24 तासात जिल्ह्यात 13 जण पॉझेटिव्ह तर 38 जण कोरोनामुक्त झाले असून शासकीय वैद्यकीय महाविद्यालयात एका रुग्णाचा मृत्यू झाला आहे.

जि.प. आरोग्य विभागातर्फे प्राप्त अहवालानुसार मंगळवारी एकूण 1348 जणांचे रिपोर्ट प्राप्त झाले. यापैकी 13 जण नव्याने पॉझेटिव्ह आले तर 1335 जणांचे रिपोर्ट निगेटिव्ह आले. सद्यस्थितीत जिल्ह्यात 419 रुग्ण ॲक्टीव्ह पॉझेटिव्ह असून यापैकी रुग्णालयात भरती  89 तर गृह विलगीकरणात 330  रुग्ण आहेत. तसेच आतापर्यंत एकूण पॉझेटिव्ह रुग्णांची संख्या 72577 झाली आहे. 24 तासात 38 जण कोरानामुक्त झाल्यामुळे जिल्ह्यात बरे झालेल्यांची एकूण संख्या 70372 आहे. आतापर्यत जिल्ह्यात एकूण 1786 मृत्युची नोंद आहे. जिल्हयात आतापर्यत 6 लक्ष 66 हजार 303 चाचण्या झाल्या असून त्यापैकी 5 लक्ष 93 हजार 726 निगेटिव्ह आहेत. सद्यस्थितीत जिल्ह्याचा पॉझिटीव्हीटी दर 10.89 असून दैनंदिन पॉझिटीव्हीटी दर 0.96  आहे  तर मृत्युदर 2.46 आहे.            

पॉझेटिव्ह आलेल्या 13 जणांमध्ये 9 पुरुष आणि 4 महिला आहेत. यात बाभूळगाव  तालुक्यातील 1, दिग्रस तालुक्यातील 1, महागाव 1, मारेगाव येथील 4 , नेर 2 , पांढरकवडा 1, पुसद 1 तर यवतमाळ येथील  2  रूग्णाचा समावेश आहे.  

            आज मृत्यू झालेल्या रुग्णांमध्ये शासकीय वैद्यकीय महाविद्यालयात दिग्रस तालुक्यातील 62 वर्षीय पुरुषाचा  मृत्यू झाला आहे.

            जीएमसी, डीसीएचसी व खाजगी रुग्णालयात 2200 बेड उपलब्ध: जिल्ह्यातील शासकीय वैद्यकीय महाविद्यालय, 11 डेडीकेटेड कोव्हीड हेल्थ सेंटर आणि 34 खाजगी कोव्हीड हॉस्पीटलमध्ये एकूण बेडची संख्या 2279 आहे. यापैकी 79 बेड रुग्णांसाठी उपयोगात असून 2200 बेड उपलब्ध आहेत. यात शासकीय वैद्यकीय महाविद्यालयात एकूण 577 बेडपैकी 31 बेड रुग्णांसाठी उपयोगात असून 546 बेड शिल्लक, 11 डीसीएचसीमध्ये एकूण 526 बेडपैकी 39 रुग्णांसाठी उपयोगात तर 487 बेड शिल्लक आणि 34 खाजगी कोव्हीड रुग्णालयात एकूण 1176 बेडपैकी 9 उपयोगात तर 1167 बेड शिल्लक आहेत.

000000