मीनाबाजार ,क्राप्ट बाजार, सर्कस याकरीता आझाद मैदान जाहीर लीलावाने देणार
यवतमाळ दि. २७ एप्रिल (जिमाका) :- मीनाबाजार, प्रदर्शनी ,क्राप्ट बाजार, सर्कस इत्यादी प्रयोजनाकरीता आझाद मैदान भाडयाने देण्यांच्या कार्यपध्दतीमध्ये अधिकाधिक पारदर्शकता राखण्यासाठी तसेच प्रकियेमध्ये सहभागी होण्याची पुरेशी संधी संबधीतांना मिळावी व शासनास तसेच मैदानांच्या देखभालीसाठी योग्य प्रमाणात महसूल प्राप्त व्हावा याअनुषंगाने जाहीर लिलाव पध्दतीने प्रकिया राबविण्यास जिल्हाधिकारी यांनी परवानगी दिलेली आहे.
आझाद मैदान सदरचे प्रयोजनाकरीता भाडयाने घेण्यास लिलावात भाग घेण्याकरीता अर्ज फी २००० रुपये सह www.sdoyavatmal.in या संकेतस्थळावर आधारकार्ड, फोटो, चारित्र्य प्रमाणपत्रासह ऑनलाईन अर्ज २८ एप्रिल ते ७ मे २०२३ या कालावधीत करता येईल. इतर सर्व विस्तृत माहिती व अटी व शर्ती बाबत उपविभागीय अधिकारी कार्यालय यवतमाळ, तहसिलदार कार्यालय यवतमाळ, मुख्याधिकारी न.प. यवतमाळ, यांचे सुचना फलकावर प्रसिध्द करण्यात आलेली आहे.
Comments
Post a Comment