अन्न सुरक्षा अनुपालन प्रणाली प्रशिक्षण
राज्य शासनाच्या समाज कल्याण विभागांतर्गत अनुदानित वसतिगृहातील अधीक्षक व स्वयंपाकी यांच्यासाठी फुड सेफ्टी कॉम्पलिअन्स सिस्टीम याविषयावर प्रशिक्षण घेण्यात आले. सदर प्रशिक्षण कार्यक्रम समाज कल्याण विभाग व अन्न व औषध प्रशासन यांच्या संयुक्त विद्यमाने घेण्यात आला.
या कार्यक्रमासाठी सामाजिक न्याय विभागाचे सहायक आयुक्त भाऊराव चव्हाण व जिल्हा समाज कल्याण अधिकारी पियुष चव्हाण यांचे सहाय्य लाभले. अन्न व औषध प्रशासनाचे सहायक आयुक्त गो.वि.माहोरे यांनी प्रशिक्षणार्थींना मार्गदर्शन केले. या प्रशिक्षणाचा मुख्य उद्देश अन्न पदार्थ बनवताना व हाताळताना कशी काळजी घ्यावी व स्वच्छता कशी ठेवावी हा होता.
सामाजिक न्याय भवन येथे आयोजित प्रशिक्षणात ८५ प्रशिक्षणार्थीना व दिनबाई मागासवर्गीय मुलांचे वसतीगृह दिग्रस येथे आयोजित प्रशिक्षणात २०६ प्रशिक्षणार्थींना प्रशिक्षण देण्यात आले. दोन्ही ठिकाणी प्रशिक्षक अस्मीता ठवकार यांनी प्रशिक्षण दिले. या प्रशिक्षणाद्वारे प्रशिक्षणार्थीना अन्न सुरक्षा व मानदे कायदा २००६ मधील तरतुदी, स्वच्छतेचे महत्त्व, विषबाधेसारख्या अप्रिय घटना टाळण्याच्या उपाययोजना, पौष्टिक घटकाची माहिती व स्रोत याबाबतची माहिती देण्यात आली.
000
Comments
Post a Comment