दोन कोरोनाबाधित मृत्युसह जिल्ह्यात 47 नव्याने पॉझेटिव्ह

 

Ø 32 जण कोरोनामुक्त

यवतमाळ, दि. 18 : गत 24 तासात जिल्ह्यात 47 जण नव्याने पॉझेटिव्ह आले असून दोन कोरोनाबाधित रुग्णांचा मृत्यु झाला आहे. मृतकांमध्ये वणी येथील 63 वर्षीय पुरुष आणि दारव्हा येथील 55 वर्षीय महिलेचा समावेश आहे. तर वसंतराव नाईक शासकीय वैद्यकीय महाविद्यालयाच्या आयसोलेशन वॉर्ड, विविध कोव्हीड केअर सेंटर आणि कोव्हीड हेल्थ सेंटरमध्ये भरती असलेल्या 32 जणांनी कोरोनावर मात केल्यामुळे त्यांना रुग्णालयातून सुट्टी देण्यात आली.

जिल्हा परिषदेच्या आरोग्य विभागातर्फे प्राप्त अहवालानुसार शुक्रवारी एकूण 395 रिपोर्ट प्राप्त झाले. यापैकी 47 जण नव्याने पॉझेटिव्ह तर 348 जणांचे रिपोर्ट निगेटिव्ह आले. सद्यस्थितीत जिल्ह्यात 312 ॲक्टीव्ह पॉझेटिव्ह आहे. तसेच आतापर्यंत एकूण पॉझेटिव्ह रुग्णांची संख्या 12162 झाली आहे. 24 तासात 32 जण कोरानामुक्त झाल्यामुळे जिल्ह्यात बरे झालेल्यांची एकूण संख्या 11463 आहे. तर जिल्ह्यात एकूण 387 मृत्युची नोंद आहे.

सुरवातीपासून आतापर्यंत 118939 नमुने पाठविले असून यापैकी 118227 प्राप्त तर 712 अप्राप्त आहेत. तसेच 106065 नागरिकांचे नमुने आतापर्यंत निगेटिव्ह आल्याचे जि.प. आरोग्य विभागाने कळविले आहे.

००००००