जिल्हा माहिती कार्यालय, यवतमाळ

मुंबई दि.३० – ‘हिंद दी चादर’ श्री गुरु तेग बहादुर साहिब यांच्या ३५० व्या शहिदी समागमानिमित्त राज्यभर विविध प्रबोधनपर उपक्रम राबविण्यात येत आहेत. या अंतर्गत ७ डिसेंबर २०२५ रोजी नागपूर येथे मुख्यमंत्री देवेंद्र फडणवीस आणि उत्तर प्रदेशचे मुख्यमंत्री योगी आदित्यनाथ यांच्या प्रमुख उपस्थितीत एक कार्यक्रम होणार आहे. राज्य प्रदर्शनी समितीच्या बैठकीत श्री गुरु तेग बहादुर साहिब यांच्या छायाचित्रासह भारतीय डाक विभागामार्फत स्मृतिचिन्ह म्हणून टपाल तिकीट जारी करण्याचा निर्णय घेतला. ७ डिसेंबर रोजी नागपूर येथील सुरेश चंद्र सुरी ग्राउंड, जरीपटका पोलीस स्टेशन रोड, नारा येथे सकाळी ९ ते रात्री १० वाजेपर्यंत कार्यक्रमाचे आयोजन करण्यात आले आहे. कार्यक्रमाच्या तयारीचा आढावा घेण्यासाठी राज्यस्तरीय प्रदर्शनी समितीची बैठक मुंबईत नुकतीच झाली. यावेळी नियोजनाबाबत चर्चा आणि प्रदर्शनाचे सादरीकरण करण्यात आले. बैठकीस कोकण भवनचे अतिरिक्त जिल्हाधिकारी तथा समिती सदस्य रविंद्र पवार, राज्य पंजाबी साहित्य अकादमीचे कार्याध्यक्ष तथा समितीचे निमंत्रक व कार्याध्यक्ष बल मलकित सिंह, समन्वयक तथा कार्यकारी अधिकारी डॉ. जगदि...

श्री गुरू तेग बहादूर हे शीख समाजाचे नववे गुरू आहेत. मानवाधिकारांच्या सुरक्षेसाठी काम करीत असताना ते शहीद झाले. त्यांनी लोकांना सत्य, संयम, मानवता, करूणा आणि धैर्य या मूल्यांचा संदेश दिला. त्यांच्या ३५० व्या शहिदी समागम वर्षानिमित्त महाराष्ट्र शासन आणि हिंद दी चादर श्री गुरू तेग बहादूर ३५० व्या शहिदी समागम राज्यस्तरीय समितीच्या संयुक्त विद्यमाने ७ डिसेंबर २०२५ रोजी नागपूर येथे उत्तर प्रदेशचे मुख्यमंत्री योगी आदित्यनाथ यांच्या उपस्थितीत कार्यक्रम आयोजित करण्यात आला आहे. प्रधानमंत्री नरेंद्र मोदी आणि मुख्यमंत्री देवेंद्र फडणवीस यांच्या प्रमुख उपस्थितीत मुख्य कार्यक्रमाचे आयोजन जानेवारी महिन्यात नांदेड येथे करण्यात आले आहे. या गौरवशाली इतिहासाच्या स्मृती सोहळ्यानिमित्त शिख, सिकलीगर, बंजारा, लबाना, मोहयाल, सिंधी समाजाचे गुरुबंधुत्व नाते अधिक दृढ होणार आहे.

यवतमाळ, दि. २८: ‘हिंद दी चादर श्री गुरू तेग बहादूर’ यांच्या ३५० व्या शहिदी समागम वर्षानिमित्त देशभर विविध प्रबोधनपर कार्यक्रमाचे आयोजन करण्यात येत आहे. विदर्भात नागपूर येथे ७ डिसेंबर रोजी उत्तर प्रदेशचे मुख्यमंत्री योगी आदित्यनाथ यांच्या उपस्थितीत कार्यक्रम होणार असून, विविध माध्यमांतून या कार्यक्रमाची माहिती जिल्ह्यात सर्वदूर पोहोचवावी, असे निर्देश जिल्हाधिकारी विकास मीना यांनी आज येथे दिले. कार्यक्रमाच्या अनुषंगाने जिल्हाधिका-यांच्या अध्यक्षतेत बैठक महसूलभवनात झाली, त्यावेळी ते बोलत होते. जि. प. मुख्य कार्यकारी अधिकारी मंदार पत्की, निवासी उपजिल्हाधिकारी अनिरूद्ध बक्षी, महोत्सव समितीचे सदस्य, गुरूद्वारा समितीचे प्रतिनिधी आदी यावेळी उपस्थित होते. श्री गुरू तेग बहादूर हे शीख समाजाचे नववे गुरू आहेत. मानवाधिकारांच्या सुरक्षेसाठी काम करीत असताना ते शहीद झाले. त्यांनी लोकांना सत्य, संयम, मानवता, करूणा आणि धैर्य या मूल्यांचा संदेश दिला. त्यांच्या ३५० व्या शहिदी समागम वर्षानिमित्त महाराष्ट्र शासन आणि हिंद दी चादर श्री गुरू तेग बहादूर ३५० व्या शहिदी समागम राज्यस्तरीय समितीच्या संयुक्त वि...

यवतमाळ,दि. २८ (जिमाका) : लोकप्रतिनिधीत्व कायदा, १९५१ च्या परिच्छेद १३५(बी) नुसार मतदानाच्या दिवशी सर्वसाधारणपणे मतदारांना त्यांचा मतदानाचा हक्क बजावता यावा यासाठी भरपगारी सुट्टी देण्यात येते किंवा काही ठिकाणी कामाच्या तासात योग्य ती सवलत देण्यात येते. त्यानुसार दि. २ डिसेंबर रोजी जिल्ह्यातील सर्व आस्थापनांनी निवडणूक क्षेत्रातील मतदारांना मतदान करण्यासाठी सुट्टी देण्याचे आवाहन सरकारी कामगार अधिकारी रा. रा. काळे यांनी केले आहे. सुट्टी किंवा सवलत न मिळाल्याने मतदारांना त्यांच्या मतदानाचा हक्क बजावण्यापासून वंचित राहावे लागू नये. यासाठी दि.2 डिसेंबर 2025 रोजी नगरपरिषदा व नगरपंचायतीच्या सार्वत्रिक निवडणूकीच्या दिवशी निवडणूक होणा-या मतदान क्षेत्रात मतदार असलेले कामगार/अधिकारी/कर्मचारी यांना, मग ते कामानिमित्त निवडणूक होणाऱ्या क्षेत्राबाहेर कार्यरत असले तरीही त्यांना निवडणुकीच्या दिवशी मतदानाचा हक्क बजावण्यासाठी भरपगारी सुट्टी देण्यात यावी, असे राज्य निवडणूक आयोगाने आदेशित केले आहे. ही सुट्टी उद्योग, ऊर्जा व कामगार विभागांतर्गत येणाऱ्या सर्व आस्थापना, कारखाने, दुकाने इत्यादींना ल...

यवतमाळ,दि. 28 (जिमाका) : मतदार जागृती अभियानात यवतमाळ येथील गोधनी रस्त्यावरच्या जिल्हा परिषद माध्यमिक विद्यालय व कनिष्ठ महाविद्यालयातर्फे अभिरुप मतदान कार्यक्रम राबविण्यात आला. विद्यार्थ्यांनी उत्स्फूर्तपणे सहभागी होऊन निवडणूक आयोगाच्या प्रक्रियेनुसार ही अभिरूप मतदान प्रक्रिया राबवली. या उपक्रमाचे जिल्हाधिकारी विकास मीना यांनी कौतुक केले. शाळेतील विद्यार्थ्यांमध्ये लोकशाहीची मूल्ये विकसित करण्यासाठी व निवडणूक प्रक्रिया अनुभवण्यासाठी चुनावी पाठशाळा (अभिरुप मतदान) कार्यक्रमाचे आयोजन करण्यात आले होते. गटशिक्षणाधिकारी यांच्या सुचनेनुसार यवतमाळच्या शासकीय शाळेत आज संपुर्ण निवडणूकीची तयारी करण्यात आली. यामध्ये शाळेतील जवळपास तीनशे विद्यार्थ्यांनी सहभाग घेतला. सर्वप्रथम काही विद्यार्थ्यांनी निवडणू...

यवतमाळ, दि. 28 : जिल्ह्यातील नगरपरिषद व नगरपंचायत सार्वत्रिक निवडणूकीच्या अनुषंगाने दि. 2 डिसेंबर रोजी मतदान व दि. 3 डिसेंबर रोजी मतमोजणी होणार आहे. या अनुषंगाने मतदान केंद्राच्या ठिकाणी पुरेसे मनुष्यबळ व आवश्यक बाबींची पूर्तता व्हावी. निवडणूक सुरळीत पार पाडण्याच्या दृष्टीने निवडणूक आयोगाच्या आदेशांचे काटेकोर पालन व्हावे. कुठेही गैरप्रकार घडता कामा नये, असे स्पष्ट निर्देश जिल्हाधिकारी विकास मीना यांनी आज येथे दिले. जिल्ह्यातील न. प., न. पं. सार्वत्रिक निवडणूकीच्या अनुषंगाने सुरक्षाविषयक बाबींचा आढावा जिल्हाधिका-यांनी महसूलभवनात बैठकीद्वारे घेतला, त्यावेळी ते बोलत होते. उपविभागीय अधिकारी गोपाळ देशपांडे, नगरपरिषद प्रशासनाचे जिल्हा सहआयुक्त रोहिदास दोरकुळकर आदी यावेळी उपस्थित होते. जिल्हाधिकारी श्री. मीना म्हणाले की, मतदानाचा दिवस, आदला दिवस, मतमोजणीचा दिवस या कालावधीत पालन करावयाच्या सर्व बाबींविषयी सुस्पष्ट निर्देश आयोगाने दिले आहेत. आचारसंहितेचे काटेकोर पालन व्हावे. मतदान केंद्रांवर विशेषत: संवेदनशील केंद्रांवर पुरेसा बंदोबस्त ठेवावा. प्रत्येक पोलीस पथकात महिला कॉन्स्टेबलचा समावे...

नववर्षाच्या प्रारंभी आरोग्यदायी उपक्रम यवतमाळमध्ये 4 जानेवारीला ‘हेल्थ मॅरेथॉन’ अधिकाधिक यवतमाळकरांनी सहभागी व्हावे - जिल्हाधिकारी विकास मीना यवतमाळ, दि. 27 : आरोग्यविषयक जनजागृती व फिटनेसला चालना देण्यासाठी ‘यवतमाळ हेल्थ मॅरेथॉन’चे आयोजन दि. 4 जानेवारी 2026 रोजी करण्यात येत आहे. हा उपक्रम समृद्ध व निरामय आरोग्याची जाणीव निर्माण करणारा असून, अधिकाधिक यवतमाळकरांनी या उपक्रमात सहभागी व्हावे, असे आवाहन जिल्हाधिकारी विकास मीना यांनी केले आहे. कॉटन सिटी रनर्सतर्फे जिल्हा प्रशासन, जिल्हा क्रीडा कार्यालय, जिल्हा पोलीस दल तसेच विविध संस्थांच्या सहकार्याने नेहरू क्रीडांगण (गोधणी रस्ता, यवतमाळ) येथून यवतमाळ हेल्थ मॅरेथॉनचे आयोजन करण्यात आले असून, सर्व विभाग, अधिकारी, कर्मचारी, विविध संस्था, स्वयंसेवी संस्था व नागरिकांनी सहभागी होण्याचे आवाहन जिल्हा प्रशासनातर्फे करण्यात आले आहे. हा उपक्रम 21 कि. मी. हाफ मॅरेथॉन, 10 कि. मी. पॉवर रन, 5 कि. मी. फिटनेस रन, 5 कि. मी. बाल रन, 3 कि. मी. कौटुंबिक, फन रन या प्रकारात होईल. नोंदणीची अंतिम तारीख 15 डिसेंबर आहे. आरोग्यविषयक जनजागृतीसाठी ही मॅरेथॉन चौथ्या व...

रब्बीसाठी सुधारित पीक विमा योजना; 15डिसेंबरपूर्वी सहभागी व्हा शेतकरी बांधवांना कृषी विभागाचे आवाहन यवतमाळ, दि. 27 (जिमाका) : जिल्ह्यातील 16 तालुक्यांमध्ये रब्बी हंगाम 2025-26 पासून सुधारित प्रधानमंत्री पिक विमा योजना राबविण्यात येत आहे. या योजनेसाठी भारतीय कृषी विमा कंपनीची निवड करण्यात आली असून, वातावरणातील अनियमितता, कीडरोग आणि इतर नैसर्गिक कारणांमुळे होणाऱ्या नुकसानापासून शेतकऱ्यांना या योजनेतून संरक्षण मिळणार आहे. जिल्ह्यात यंदा सव्वा लाख हेक्टरवर हरभरा आणि साठ हजार हेक्टरवर गहू पेरणी अपेक्षित आहे. गहू व हरभरा पिकासाठी विमा काढण्याची अंतिम मुदत 15 डिसेंबर, तर उन्हाळी भुईमूगासाठी 31 मार्च निश्चित करण्यात आली आहे. हरभरा पीकासाठी प्रति हेक्टर विमा संरक्षित रक्कम 36 हजार रू. असून, विमा हप्ता 360 रु. आहे. गहू बागायत पीकासाठी प्रति हे. विमा संरक्षित रक्कम 45हजार असून विमा हप्ता 450 रु. आहे. उन्हाळी भुईमूग पीकासाठी प्रति हे. विमा संरक्षित रक्कम 40 हजार 600 रू. असून, विमा हप्ता 101.50 रू. आहे. पीक विम्यासाठी ई-पीक पाहणी आणि फार्मर आयडी अनिवार्य आहे. शेतक-यांनी शेतात पीक नसताना विमा का...

शालेय विद्यार्थी-विद्यार्थिनींसाठी एसटीची 1800 221 251 हेल्पलाईन सुरू' यवतमाळ, दि. 27 : शाळा तसेच महाविद्यालयातील विद्यार्थी - विद्यार्थिनींना घरातून शाळेला जाताना अथवा शाळेतून घरी येताना एसटी प्रवासात काही अडचण आल्यास अथवा एसटी बसेस वेळेवर न आल्यास, अचानक रद्द करण्यात आल्यास त्यांना योग्य ती मदत मिळावी, यासाठी एसटी महामंडळाची 1800 221 251 या क्रमांकाची हेल्पलाइन सुरू करण्यात आली आहे. राज्यभरातील लाखो विद्यार्थी - विद्यार्थिनींना शाळेत जाण्यासाठी व तेथून घरी येण्यासाठी एसटी महामंडळ बस फेऱ्या उपलब्ध करून देत असते. राज्य शासन एसटीच्या माध्यमातून शालेय विद्यार्थ्यांना घरातून शाळेला जा - ये करण्यासाठी मासिक पासमध्ये 66.66 टक्के सवलत दिली जाते. तसेच पुण्यश्लोक अहिल्याबाई होळकर योजनेंतर्गत बारावीपर्यंतच्या मुलींना मोफत मासिक पास दिला जातो. शालेय विद्यार्थी -विद्यार्थिनींना घरुन शाळेत जात असताना अथवा शाळेतून घरी येत असताना बसेस उशिरा सुटणे, त्या अचानक रद्द होणे, तांत्रिक बिघाडामुळे बस नादूरूस्त झाल्याने घरी पोहोचण्यास अडचण निर्माण झाल्यास त्यांनी तातडीने एस...

नाशिक-त्र्यंबकेश्वर कुंभमेळा बोधचिन्हासाठी स्पर्धेचे आयोजन • २० डिसेंबरपर्यंत प्रवेशिका पाठविण्याचे आवाहन • तीन लाख रुपयांचे प्रथम पारितोषिक यवतमाळ, दि. २७ : श्रद्धा, पावित्र्य आणि अध्यात्माचा संगम असलेला सिंहस्थ कुंभमेळा नाशिक त्र्यंबकेश्वर येथे २०२७ मध्ये होणार आहे. यानिमित्त नाशिक-त्र्यंबकेश्वर कुंभमेळा विकास प्राधिकरणातर्फे बोधचिन्ह स्पर्धेचे (लोगो डिझाईन) आयोजन करण्यात आले आहे. या स्पर्धेतील विजेत्यांना प्रथम, द्वितीय आणि तृतीय क्रमांकाचे अनुक्रमे तीन, दोन आणि एक लाख रुपयांच्या पारितोषिकांसह प्रमाणपत्र देण्यात येणार आहे. या स्पर्धेसाठी २० डिसेंबर २०२५ पर्यंत प्रवेशिका पाठविता येणार असून देशभरातील जास्तीत जास्त नागरिकांनी यात सहभागी व्हावे, असे आवाहन विभागीय आयुक्त तथा नाशिक त्र्यंबकेश्वर कुंभमेळा विकास प्राधिकरणाचे अध्यक्ष डॉ. प्रवीण गेडाम यांनी केले आहे. नाशिक-त्र्यंबकेश्वर येथे होणारा सिंहस्थ कुंभमेळा हा जगातील सर्वात मोठ्या आध्यात्मिक मेळाव्यांपैकी एक आहे. तो दर बारा वर्षांनी एकदा राज्यातील नाशिक जिल्ह्यातील गोदावरी नदीच्या काठावर भरतो. अमृत मंथनाच्या आख्या...

कपाशीवरील रस शोषक कीडी व गुलाबी बोंड अळीचे करा व्यवस्थापन किटकशास्त्र विभागाच्या चमूने दि. १७ सप्टेंबर २०२५ रोजी प्रक्षेत्रावर पाहणी केली असता कपाशीवर रसशोषक किडी व गुलाबी बोंड अळीचा प्रादुर्भाव आढळून आला आहे. या किडीचे एकीकृत व्यवस्थापन केल्यास होणारे नुकसान बऱ्याच प्रमाणात कमी करता येते . त्यासाठी खालील उपाययोजना अवलंब करावा . एकीकृत व्यवस्थापनः रस शोषक कीडीचे व्यवस्थापन § रंस शोषक कीडींसाठी कपाशीचे पिकाचे प्रादुर्भावबाबत सर्वेक्षण करावे. § पिकामध्ये पिवळे चिकट सापळे लावून नियमित पांढरी माशीच्या प्रादुर्भावर लक्ष ठेवावे (२५/हे.) § वेळेवर आंतर मशागत करून पीक तण विरहीत ठेवावे त्यामुळे किडीच्या पर्यायी खाद्य ताणाचा नाश होईल. तसेच बांधावरील किडीच्या पर्यायी खाद्य ताणे जसे अंबाडी ई नष्ट करावी. § मृद परीक्षणाच्या आधारावर खतमात्रेचा अवलंब करावा आणि जास्तीचा नत्र खताचा वापर टाळावा जेणेकरून कपाशीची अनावश्यक काचीकड होणार नाही आणि पीक दाटणार नाही पर्यायाने अशा पीकावर किहही कमी प्रमाणात राहील. § रस शोषक किडीवर उपनिवीका करणारे नैसर्गिक किटक उदा. सीरफीड माशी, कालीन, ढालकिडे, क्रायसोप...

तूर पिकावरील शेंगा पोखरणा-या अळयांचे व्यवस्थापन सध्या तूर हे पिक फुलावर येण्याच्या स्थितीत आहे मागील काही आठवडयातील असणारे सतत चे ढगाळ वातावरण व रात्रीचे थंड हवामान तूर पिकावरील शेंगा पोखरणाऱ्या अळीच्या वाढीस पोषक आहे व अश्या वातावरणामुळे तूर पिकाला शेंगा पोखरणाऱ्या अळयापासुन नुकसान होण्याची शक्यता आहे. तरी शेतकरी बंधूनी आपल्या पिकाची पाहणी करून वेळीच व्यवस्थापनाचे उपाय योजना करणे आवशक आहे. शेंगा पोसारणा-या अळयांमधे खालील प्रकारच्या अळयांचा समावेश होतो. १. शेंगा पोखरणारी अळी (हेलीकोवर्षा): या किडीची मादी पतंग तुरीच्या कळया, फुले व शेंगा, यावर अंडी घालते. अंडयातून निघालेल्या अळया तूरीच्या कळया आणि फुले खाऊन गुकसान करतात. पूर्ण वाढ झालेली अळी ३० ते ४० मि.मि. लांब, विविध रंग छटेत दिसुन येते असे पोपटी, फिक्कट गुलाबी व करड्या रंगाची असून तीच्या पाठीवर तुटक करड्या रेषा असतात. मोठ्या अळया शेंगांना सिद्ध करून आतील दाणे पोखरून खातात. २. पिसारी पतंग : या पतंगाची अळी १२.५ मि.मि. लांब हिरवट तपकिरी रंगाची असते. तिच्या अंगावर सुक्ष्म काटे व केस असतात. अळी शेंगावरील साल खरडून छिद्र करते. व बाहे...

यवतमाळ, दि. 26 (जिमाका) : जिल्ह्यातील शेतीचे स्वरूप बदलण्यासाठी आणि शेतीसंबंधित विविध जोडधंद्यांना प्रोत्साहन देण्यासाठी जिल्हाधिकारी विकास मीना यांच्या विशेष पुढाकाराने जिल्हा प्रशासनातर्फे “कृषी संवाद”हा उपक्रम राबविण्यात येत असून, त्याच्या पहिला सत्राचा शुभारंभ आज वणी येथे झाला. शेतीव्यवसायात उत्पादनवाढीसाठी अद्ययावत तंत्रज्ञानाचा अवलंब, पाणी व इतर बाबींचे काटेकोर नियोजन करतानाच, शेतक-यांनी शेतकरी उत्पादक कंपनीच्या माध्यमातून एकत्र येऊन पूरक व्यवसाय व प्रक्रिया उद्योगांना चालना द्यावी जेणेकरून उत्पादनवाढीबरोबरच शेतकरी बांधवांच्या उत्पन्नातही वाढ होईल, असे आवाहन जिल्हाधिकारी विकास मीना यांनी यावेळी केले. वणी येथील वसंत जिनींग हॉल येथे जिल्हाधिकारी यांच्या हस्ते उपक्रमाचा शुभारंभ झाला. जिल्हा अधिक्षक कृषी अधिकारी संतोष डाबरे, पांढरकवड्याचे उपविभागीय कृषी अधिकारी चंदन निघोट, तालुका कृषी अधिकारी वणी दिलीप राऊत, तहसीलदार वणी निखिल धुळधर, गटविकास अधिकारी किशोर गजलवार, तसेच कृषी विभागातील अधिकारी–कर्मचारी आणि शेतकरी मोठ्या संख्येने उपस्थित होते. जिल्हाधिकारी श्री. मीना म्हणाले क...

यवतमाळ,दि. 26 (जिमाका) : जिल्हाधिकारी कार्यालयात संविधान दिन साजरा करण्यात आला. यावेळी संविधान उद्दिशिकेचे सामूहिक वाचन करण्यात आले. निवासी उपजिल्हाधिकारी अनिरुद्ध बक्षी यांच्यासह सर्व अधिकारी व कर्मचा-यांनी उद्देशिकेचे वाचन केले. ‘आम्ही भारताचे लोक या शब्दांनी सुरू झालेली ही राज्यघटना भारतीयांनीच निर्माण करून ती स्वत:लाच अर्पण केली आहे. विचारांचे स्वातंत्र्य, संधीची समानता, न्याय, बंधुता यांच्यासह आपल्या राज्यघटनेत नागरिकांचे मुलभूत अधिकार, मार्गदर्शक तत्वे आदींचा उल्लेख आहे. राज्यघटनेचा अभ्यास प्रत्येक नागरिकाने करावा, असे आवाहनही यावेळी करण्यात आले. यावेळी जिल्हाधिकारी कार्यालयातील सर्व अधिकारी व कर्मचारी उपस्थित होते. 000000

यवतमाळ,दि. 25 (जिमाका) : देशामध्ये एकूण बालमृत्यूंपैकी सरासरी 16.3 टक्के बालमृत्यू न्यूमोनियामुळे होत असल्याचा आरोग्यतज्ज्ञांचा अहवाल आहे. या गंभीर आजाराची व्याप्ती लक्षात घेऊन 0 ते 5 वर्षे वयोगटातील न्यूमोनियामुळे होणारे बालमृत्यू कमी करण्यासाठी ‘मिशन सांस इनिशिएटिव्ह’ गावोगाव प्रभावीपणे राबविण्याचे निर्देश जिल्हाधिकारी विकास मीना यांनी आज येथे दिले. सार्वजनिक आरोग्य विभागातर्फे न्यूमोनिया आजारविषयक जनजागृती तसेच, न्यूमोनियापासून संरक्षण, प्रतिबंध व उपचारांसाठी सांस मोहिम जिल्ह्यात शहरी व ग्रामीण भागात राबविण्यात येत आहे. त्यासाठी जिल्हा समन्वय समितीची सभा महसूल भवनात जिल्हाधिका-यांच्या अध्यक्षतेत झाली, त्यावेळी ते बोलत होते. बालकांमधील न्यूमोनियाचा प्रतिबंधासाठी तपासणी, उपचारांबरोबरच बचाव करण्यासाठीच्या उपाययोजनांबाबत सामाजिक स्तरावर प्रभावी जनजागृती करावी. विविध संस्था, स्वयंसेवी संस्थांच्या सहभागासह मोहिमेत अधिकाधिक लोकसहभाग मिळवावा, असे निर्देश श्री. मीना यांनी यावेळी दिले. मोहिमेचे उद्दिष्ट्य : नॅशनल चाइल्डहूड न्यूमोनिया मॅनेजमेंट 2019 च्या मार्गदर्शक सूचनांचे पालन करणे. जन...

यवतमाळ, दि. 25 (जिमाका) : महिला व बाल विकास विभागांतर्गत जिल्ह्यातील सर्व शासकीय तसेच स्वयंसेवी संस्थांमधील बालकांच्या सहभागीने बाल हक्क सप्ताह दिनांक १४ नोव्हेंबर ते २० नोव्हेंबर दरम्यान उत्साहपूर्ण वातावरणात राबविण्यात आला. सप्ताहाची सुरुवात शासकीय बालगृह/निरीक्षणगृह, यवतमाळ येथे करण्यात आली. याच दिवशी बालदिनही आनंदमय वातावरणात साजरा करण्यात आला. कार्यक्रमास शासकीय बालगृह व निरीक्षणगृहातील काळजी व संरक्षणाची गरज असणारी १२ मुले तसेच ५ विधी संघर्षग्रस्त मुले उपस्थित होती. जिल्हा महिला व बाल विकास अधिकारी विशाल जाधव यांच्या मार्गदर्शनाखाली, बाल न्याय मंडळ व बाल कल्याण समिती यांच्या सहकार्याने हा उपक्रम पार पडला. १४ नोव्हेंबर रोजी दिशा संस्था सामाजिक कार्यकर्ते कुंदन राजेंद्र बोंद्रे यांनी तसेच सुखाय फाउंडेशन, यांनी संयुक्तपणे कार्यक्रमाला विशेष सहकार्य केले. उद्बोधनानंतर सामान्य ज्ञान प्रश्नमंजुषा, चित्रकला स्पर्धा, विविध खेळ, तसेच प्रवेशितांसाठी आकर्षक स्पर्धांचे आयोजन करण्यात आले. विजेत्यांना भेटवस्तू व प्रमाणपत्रे देऊन गौरविण्यात आले. कार्यक्रमाचे उत्कृष्ट आयोजन करण्यासाठी...

यवतमाळ, दि. 25 (जिमाका) : पिकाची उत्पादकता वाढविण्यासाठी विविध भागांमध्ये शेतक-यांकडून विविध प्रयोग करण्यात येतात व उत्पादकतेत बाढ करण्यात येते. अशा प्रयोगशील शेतक-यांना मिळालेल्या उत्पादकतेबाबत प्रोत्साहन देऊन गौरव केल्यास त्यांची इच्छा मनोबलामध्ये वाढ होऊन आणखी उमेदीने नवनवीन अद्यायावत तंत्रज्ञानाचा वापर केला जाईल. यामुळे कृषि उत्पादनामध्ये भर घालण्यासाठी शेतक-यांचे योगदान मिळेल, तसेच त्यांचे मार्गदर्शन परीसरातील इतर शेतक-यांना होऊन राज्याच्या एकूण उत्पादनात मोलाची भर पडेल, हा उद्देश ठेऊन पीकस्पर्धा योजना राबविण्यात येत आहे. रब्बी हंगाम २०२५ मध्येही पिकस्पर्धा मागील वर्षाप्रमाणे तालुका, जिल्हा व राज्य पातळीवर राबविण्यात येत आहेत. त्यानुसार कृषी विभागामार्फत रब्बी हंगाम सन २०२५ मध्ये सर्वसाधारण व आदिवासी गटासाठी गहू, हरभरा, या दोन पिकासाठी पिकस्पर्धेचे आयोजन करण्यात येत आहे. पीकस्पर्धेतील पीकेः रब्बी पीकेगहू, हरभरा, पात्रता निकषः स्पर्धेत भाग घेण्यासाठी शेतकन्याकडे स्वतःच्या नावे जमीन असणे व ती जमीन तो स्वतः कसत असणे आवश्यक आहे. स्पर्धेत भाग घेणाऱ्या शेतकऱ्याला एकावेळी एकापेक...

यवतमाळ, दि. 24 (जिमाका) : जागतिक शौचालय दिनानिमित्त जिल्हा परिषद स्वच्छ भारत मिशन (ग्रामीण) विभागामार्फत “हमारा शौचालय, हमारा भविष्य” ही विशेष मोहिम १९ नोव्हेंबरपासून सुरु करण्यात आली आहे. ही मोहिम १० डिसेंबर मानवाधिकार दिनापर्यंत राबविण्यात येणार असून नागरिकांच्या आरोग्य, सन्मान आणि सुरक्षिततेसाठी शौचालयांच्या सुस्थितीवर विशेष भर देण्यात येणार आहे. जिल्हा परिषदेचे मुख्य कार्यकारी अधिकारी मंदार पत्की, यांनी जिल्ह्यातील सर्व ग्रामपंचायती व तालुका स्तरावरील अधिकाऱ्यांना मोहिमेची प्रभावी अंमलबजावणी करण्याचे निर्देश दिले आहेत. “शौचालय ही केवळ सुविधा नसून आरोग्य आणि सुरक्षिततेची हमी आहे, असे ते म्हणाले. मोहिमेदरम्यान गावागावांतील वैयक्तिक व सामुदायिक शौचालयांची तपासणी, दुरुस्ती, देखभाल व सुशोभीकरण करण्यास प्राधान्य दिले जाणार आहे. दुरुस्तीअभावी गैरसोयी निर्माण करणाऱ्या सार्वजनिक शौचालयांची तात्काळ नोंद घेऊन आवश्यक कामे करण्याचे आदेशही देण्यात आले आहेत. या मोहिमेत शाळा, स्वयंसहाय्य गट, युवक मंडळे, निवृत्त सैनिक, सामाजिक संस्था यांचा उत्स्फूर्त सहभाग राहणार असून स्वच्छता, सुरक्षित मलनिस...

यवतमाळ, दि. 24 (जिमाका) : कौशल्य विकास, रोजगार, उद्योजकता व नाविन्यता विभागामार्फत जिल्ह्यातील युवक-युवतींसाठी इस्रायल येथे परदेशात नोकरीच्या संधी शोधणाऱ्या मोठी भरती जाहीर झाली आहे. इस्रायलमधील विविध कौशल्याधारित कामांसाठी मोठ्या प्रमाणावर रिक्त पदे उपलब्ध असून, जिल्ह्यातील पात्र उमेदवारांनी या संधीचा लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहाय्यक आयुक्त सुशील उचले यांनी केले आहे. या भरतीमध्ये खालील पदांवर मोठ्या प्रमाणात नियुक्ती करण्यात येणार आहे.प्लॅस्टरिंग वर्क 1 हजार पदे सिरेमिक टायलिंग 1 हजार पदे ड्रायवॉल वर्कर 300 पदे मेसन गवंडी) 300 पदे,निवड झालेल्या उमेदवारांना अंदाजे मासिक वेतन 1 लक्ष 62 हजार इतके मिळणार आहे. उमेदवार भारतीय नागरिक असावा. किमान १०वी उत्तीर्ण असणे आवश्यक.संबंधित क्षेत्रात किमान ३ वर्षांचा अनुभव असावा. वयोमर्यादा २५ ते ५० वर्षे इंग्रजी भाषेचे ज्ञान आवश्यक किमान ३ वर्षे वैधता असलेला पासपोर्ट आवश्यक उमेदवार शारीरिक व मानसिकदृष्ट्या सक्षम असावा. उमेदवाराने यापूर्वी इस्रायलमध्ये काम केलेले नसावे. अर्ज करण्यासाठी इच...

यवतमाळ, दि. 24 (जिमाका) : एमआयडीसी यवतमाळ येथे सेन्ट्रल बँक ऑफ इंडिया, क्षेत्रीय कार्यालय अमरावती आणि एमआयडीसी यवतमाळ असोसिएशन यांच्या संयुक्त विद्यमाने सूक्ष्म, लघु व मध्यम उद्योजकांसाठी कर्ज उपलब्धता कार्यक्रमाचे भव्य आयोजन करण्यात आले. शाकंबरी जिनिंग कंपनीच्या प्रांगणात पार पडलेल्या या कॅम्पला उद्योजक, नवीन स्टार्ट-अप व्यावसायिक, महिला उद्यमी आणि बँकेचे ग्राहक मोठ्या संख्येने उपस्थित होते. कार्यक्रमाचे प्रमुख पाहुणे म्हणून एमआयडीसी असोसिएशनचे सचिव आनंद भुसारी, सदस्य अनिल भारतीय व ज्ञानेश्वर खताडे उपस्थित होते. या कॅम्पमध्ये उद्योग व्यवसायासाठी उपलब्ध विविध एमएसमएई कर्ज योजना, व्याजदरातील सवलती, क्रेडिट गॅरंटी फंड ट्रस्ट (CGTMSE) अंतर्गत मिळणाऱ्या हमी सुविधा तसेच शासकीय अनुदान योजनांची सविस्तर माहिती बँकेच्या अधिकाऱ्यांनी उद्योजकांना दिली. एमएसएमई आऊटरीच कार्यक्रमांतर्गत सेन्ट्रल बँक ऑफ इंडिया तर्फे एकूण १९ कोटी रुपयांच्या कर्जप्रकरणांना तत्काळ मंजुरी देण्यात आली. याशिवाय प्रधानमंत्री रोजगार निर्मिती कार्यक्रम मुख्यमंत्री रोजगार निर्मिती कार्यक्रम मुद्रा योजना, उद्यम नोंदणी प्र...

यवतमाळ, दि. 19 (जिमाका) : भारताच्या पहिल्या महिला पंतप्रधान इंदिरा गांधी यांची जयंती आज जिल्हाधिकारी कार्यालयात साजरी करण्यात आली. यावेळी निवासी उपजिल्हाधिकारी अनिरुद्ध बक्षी यांनी इंदिरा गांधी यांच्या प्रतिमेला पुष्पहार अर्पण करून अभिवादन केले. निवासी उपजिल्हाधिकारी अनिरुद्ध बक्षी यांनी उपस्थित अधिकारी-कर्मचाऱ्यांना राष्ट्रीय एकात्मतेची शपथ दिली. उपस्थितांनी प्रतिमेस पुष्प अर्पण करून अभिवादन केले. 000000

एमआयडीसीमध्ये सेंट्रल बँकेतर्फे एमएसएमई कर्ज उपलब्धता शिबिर यवतमाळ, दि. 19 (जिमाका) : स्थानिक उद्योजक, सूक्ष्म-लघु उद्योग व्यावसायिक व नवउद्योजकांना व्यवसायवाढीसाठी आवश्यक मार्गदर्शन व अर्थसहाय्य उपलब्ध करून देण्यासाठी सेंट्रल बँक ऑफ इंडियाच्या अमरावती क्षेत्रीय कार्यालय आणि एमआयडीसी यवतमाळ असोसिएशन यांच्या संयुक्त विद्यमाने एमएसएमई कर्ज उपलब्धता शिबिर दि. २१ नोव्हेंबरला सकाळी ११ वाजता एमआयडीसीतील सी-झोनमधील शाकंबरी जिनिंग कंपनीच्या प्रांगणात होणार आहे. या कार्यक्रमात बँकेचे वरिष्ठ अधिकारी, शाखा व्यवस्थापक तसेच जिल्ह्यातील इतर संबंधित विभागांचे प्रतिनिधी उपस्थित राहतील. एमएसएमईचे कर्ज सुविधा व पात्रता, पंतप्रधान रोजगार निर्मिती कार्यक्रम, मुख्यमंत्री रोजगार निर्मिती कार्यक्रम,मुद्रा व इतर सरकारी योजना, डिजिटल पेमेंट व उद्यम नोंदणी प्रक्रिया, महिला उद्यमी साठी विशेष योजना, उद्योग वाढीसाठी वित्तीय साक्षरता आदींबाबत मार्गदर्शन करण्यात येणार आहे. बँक अधिकाऱ्यांकडून ऑन-द-स्पॉट कर्ज मार्गदर्शन व कागदपत्रांसंबंधी सहाय्यही उपलब्ध करून दिले जाणार आहे. हा कार्यक्रम विनामूल्य असून उपस्थिती नोंदण...