निवडणूक निरीक्षकांनी केली मतदान केंद्राची पाहणी

v क्षेत्रीय अधिका-यांच्या प्रशिक्षणाला उपस्थिती

यवतमाळ, दि. 8 : निवडणूक निरीक्षक (सामान्य) सुधीरकुमार शर्मा यांनी कळंब तालुक्यातील मतदान केंद्रांना भेटी दिल्या. कळंब तालुक्यातील जि.प. कन्या शाळेतील मतदान केंद्र 106 व 107, चिंतामणी हायस्कूल मधील मतदान केंद्र 108 व 109 आणि उर्दु हायस्कूल येथील मतदान केंद्र 115 व 116 या मतदान केंद्रांना निवडणूक निरीक्षकांनी भेटी देऊन येथे तयार करण्यात आलेल्या किमान सुविधांची पाहणी केली.

तत्पूर्वी नियोजन सभागृहात आयोजित क्षेत्रीय अधिका-यांच्या प्रशिक्षणाला उपस्थित राहून मार्गदर्शन केले. यावेळी जिल्हाधिकारी अजय गुल्हाने, उपजिल्हाधिकारी (निवडणूक) श्रीकांत देशपांडे, निवासी उपजिल्हाधिकारी ललितकुमार व-हाडे तसेच सर्व संबंधित निवडणूक निर्णय अधिकारी उपस्थित होते. तसेच निवडणूक निर्णय अधिकारी, पोलिस अधिक्षक, उपजिल्हा निवडणूक अधिकारी, निवडणूक निरीक्षक (कायदा व सुव्यवस्था), आणि खर्च निरीक्षक यांच्याशी बैठक घेऊन आढावा घेतला. यावेळी वाशिम जिल्हाधिकारी, पोलिस अधिक्षक आणि उपजिल्हा निवडणूक अधिकारी यांच्याशी त्यांनी व्हीसीद्वारे संवाद साधला. निवडणूक आयोगाच्या मार्गदर्शक सुचनानुसार पुढील 72 व 48 तासांदरम्यान करायची कामे, पोलिस बंदोबस्त, जिल्ह्याच्या सीमेवरील गस्त व तपासणी, विविध पथकांद्वारे करण्यात येणारी कामे आदींबाबत या बैठकीत चर्चा करण्यात आली.

०००००