जिल्ह्यात दुपारी 3.30 वाजेपर्यंत 62.46 टक्के मतदान

 

Ø ग्रामपंचायत निवडणूक

यवतमाळ, दि. 15 : जिल्ह्यातील 925 ग्रामपंचायतीकरीता झालेल्या निवडणुकीत दुपारी 3.30 वाजेपर्यंत 62.46 टक्के मतदारांनी आपल्या मतदानाचा हक्क बजावला. जिल्ह्यातील 925 ग्रामपंचायतीसाठी एकूण 12 लक्ष 29 हजार 847 मतदार आहेत. यात 5 लक्ष 90 हजार 702 स्त्री मतदार तर 6 लक्ष 39 हजार 137 पुरुष मतदार आणि 8 इतर मतदारांचा समावेश असून आज (दि. 15) झालेल्या निवडणुकीत दुपारी 3.30 वाजेपर्यंत एकूण 7 लक्ष 68 हजार 139 मतदारांनी मतदान केले. ही टक्केवारी 62.46 आहे. मतदान केलेल्या मतदारांमध्ये 3 लक्ष 93 हजार 228 स्त्री मतदार, 3 लक्ष 74 हजार 910 पुरुष मतदार आणि एक इतर मतदारांनी मतदानाचा हक्क बजावला. मतदानाची अंतिम आकडेवारी उशिरा प्राप्त होणार असल्याचे कळविण्यात आले आहे.

०००००००