लोकशाहीर अण्णाभाऊ साठे विकास महामंडळामार्फत कर्ज योजनेसाठी लाभार्थी निवड लॉटरी पद्धतिने
यवतमाळ,दि.१४ मार्च (जिमाका):- साहित्यरत्न लोकशाहीर अण्णाभाऊ साठे विकास महामंडळामार्फत प्रकल्प मर्यादा एक लाख रुपये थेट कर्ज योजनेंतर्गंत कर्ज मिळविण्याकरिता प्रस्ताव सादर केलेल्या सर्व पात्र लाभार्थ्यांची निवड चिठ्ठीद्वारे (लॉटरी पध्दतीने) होणार आहे. २१ मार्च २०२३ रोजी सकाळी ११ वाजता बचत भवन जिल्हाधिकारी कार्यालय,येथे निवासी उपजिल्हाधिकारी ललितकुमार वऱ्हाडे यांच्या अध्यक्षतेखाली कर्ज प्रकरण बैठकित सदर निवड करण्यात येणार आहे.
मांतग,मांग,मांग-गारोडी,मादगी व मादिगा समाजातील कर्ज प्रकरण दाखल केलेल्या लाभार्थ्यांनी २१ मार्च २०२३ रोजी सकाळी ११ वाजता बचत भवन जिल्हाधिकारी कार्यालय,यवतमाळ येथे उपस्थित राहवे.तसेच महामंडळाच्या कार्यालयात स्वत: संपर्क साधून कर्ज प्रकरण यादीमध्ये समाविष्ट असल्याची खात्री करून घ्यावी. तसेच काही तक्रार असल्यास महामंडळाच्या जिल्हा कार्यालय यवतमाळ येथे संपर्क साधावा असे जिल्हा व्यवस्थापक साहित्यरत्न लोकशाहीर अण्णा भाऊ साठे विकास महामंडळ (मर्या),यांनी कळविले आहे.
Comments
Post a Comment