कौशल्य विकास विभागातर्फे ऑनलाईन रोजगार मेळावा

यवतमाळ दि. २९ मार्च,(जिमाका):-जिल्हा कौशल्य विकास,रोजगार व उद्योजकता मार्गदर्शन केंद्र यांचे वतीने ऑनलाईन रोजगार मेळाव्याचे आयोजन करण्यात आले आहे. सदर मेळावा ३१मार्च पर्यंत राहणार असल्याची माहिती सहाय्यक आयुक्त विद्या शितोळे यांनी दिली आहे. जिल्ह्यातील इच्छुक उमेदवारांना rojgar.mahaswayam.gov.in या वेब पोर्टलवर ऑनलाईन पद्धतीने विविध पदासाठी शैक्षणिक पात्रतेनुसार पसंतीक्रम देत सहभागी होता येणार आहे.सदर मेळाव्यामध्ये किमान १२ वी. उत्तीर्ण झालेले इंजिनियरींग पदवी, पदविका, नर्सिंग पदवी, पदविका धारण केलेले रोजगार इच्छुक उमेदवारांना त्यांच्याकडील सेवा योजना कार्डचा (एम्प्लॉयमेंट कार्ड) युजरनेम व पासवर्ड लॉगिन करून सदर मेळाव्यामध्ये सहभागी होता येईल. सदर ऑनलाईन मेळाव्याकरिता उमेदवारांकडे सेवायोजन कार्ड (एम्प्लॉयमेंट कार्ड)चा युझरनेम व पासवर्ड असणे आवश्यक आहे. नसल्यास rojgar.mahaswayam.gov.in य वेबपोर्टलवर ऑनलाईन पद्धतीने कार्ड ची नोंदणी करता येईल. तसेच जॉब सिकर या टॅबमध्ये लॉगिन करून डाव्या बाजूला पं.दिनदयाल उपाध्याय जॉब फेयर या वर क्लिक करून यवतमाळ जिल्हा निवडून दि.२७ ते ३१ मार्च २०२३ पर्यंत रोजगार मेळाव्यामध्ये नोंदणीकृत केलेल्या रिक्तपदाच्या पसंतीक्रमानुसार सहभागी होता येणार आहे. सदर मेळाव्यास उद्योजकाकडून ऑनलाइन पद्धतीने मुलाखती उमेदवाराशी प्रत्यक्ष संपर्क साधून रिक्त पदाकरिता निवड करण्यात येणार आहे.तरी यवतमाळ जिल्ह्यातील सर्व सुशिक्षित बेरोजगार उमेदवारांनी या ऑनलाईन रोजगार मेळाव्याचा लाभ घ्यावा.तसेच मेळाव्याच्या अधिक माहितीकरिता ०७२३२-२४४३९५ या कार्यालयीन क्रमांकावर संपर्क साधावा.असे आवाहन जिल्हा कौशल्य विकास,रोजगार व उद्योजकता मार्गदर्शन केंद्राच्या सहाय्यक आयुक्त विद्या शितोळे यांनी केले आहे.