कृषि महोत्सवात जिल्हास्तरीय खरेदीदार विक्रेता संमेलन
यवतमाळ दि. १७ मार्च(जिमाका) :- जिल्हा कृषी महोत्सवामध्ये प्रधानमंत्री सूक्ष्म अन्न प्रक्रिया उद्योग योजनेंतर्गत खरेदीदार विक्रेता संमेलनाचे आयोजन २१ मार्च रोजी सकाळी ११ वाजता समता मैदान ( पोस्टल ग्राउंड) येथे करण्यात आले आहे.
या संमेलनामध्ये यवतमाळ जिल्हातील तसेच अमरावती, अकोला, वाशीम, नागपूर, वर्धा व इतर जिल्ह्यातील खरेदीदार, विक्रेते (PMFME)पीएमएफएमई योजनेचे लाभार्थी, शेतकरी उत्पादक कंपनी/ गट/ संस्था, स्वयं सहायता गटमहिला बचत गट, सहकारी संस्था, व्यापारी व विक्रेता संघ, निर्यातदार यांना एका व्यासपीठावर आणण्यात येत आहे. यामाध्यामातुन त्यांना एकमेकाशी जोडून ओळख निर्माण करणे, कृषि प्रक्रिया उत्पादने व कच्च्या मालाच्या विक्रीसाठी परस्पर व्यवसाय व व्यापाराच्या संधी उपलब्ध होऊन त्या भविष्यात वृधिंगत व्हाव्यात या उद्देशाने हे संमेलन राबविण्यात येत आहे. या संमेलनाचा लाभ जिल्ह्यातील सर्व शेतकरी बांधव व़ महिला भगिनींनी घ्यावा असे आवाहन जिल्हा अधिक्षक कृषी अधिकारी नवनाथ कोळपकर यांनी केले आहे.
Comments
Post a Comment