मिशन थायरॉईड अभियान सुरु

यवतमाळ, दि. ३१ मार्च (जिमाका):- वैद्यकीय शिक्षण व संशोधन विभागांतर्गत रुग्णसेवेसाठी व विविध रोगांच्या प्रतिबंधात्मक उपाययोजनेसाठी विविध अभियाने सुरु केली असून जिल्ह्यात ‘मिशन थायरॉईड अभियान’ राबविण्यात येत आहे. या कार्यक्रमाअंतर्गत थायरॉईडच्या आजाराने ग्रस्त असलेल्या रुग्णांसाठी श्री वसंतराव नाईक शासकिय महाविद्यालयात अधिष्ठाता, डॉ गिरिश जलकर व अधीक्षक डॉ सुरेद्र भुयार यांचे मार्गदर्शनाखाली आठवडयातील दर गुरवारी बाहयरुग्ण विभागात सकाळी १२ ते २ या दरम्यान रुग्ण तपासणी व उपचार केले जातील. हा कार्यक्रम संपुर्ण महाराष्ट्रामध्ये शासकिय वैद्यकिय महाविद्यालयामध्ये राबविण्यात येणार आहे. सदर कार्यक्रम औषधवैद्यकशास्त्र विभाग, शल्यचिकित्सा विभाग, कान नाक घसा विभाग, जन औषधवैद्यकशास्त्र विभाग यांचे संयुक्त विद्यमानाने राबविण्यात येत आहे. यवतमाळ जिल्हयातील सर्व नागरिकांना विषेश करून गरोदर महिला व लहान बालके तसेच ज्यांना थायरॉईडचा आजार आहे अशा नागरिकांनी सदर अभियाना अंतर्गत लाभ घेण्याचे आवाहन करण्यात येत आहे.