बाल न्याय मंडळाची त्रैमासिक आढावा बैठक संपन्न

-
यवतमाळ, दि. 12 (जिमाका) : बाल न्याय अधिनियमानुसार बाल न्याय मंडळाच्या वतीने आयोजित त्रैमासिक आढावा बैठक ७ जानेवारी रोजी पळसवाडी येथील शासकीय मुलांचे निरीक्षणगृह व बालगृह येथे पार पडली. बैठकीचे अध्यक्षस्थान प्रमुख जिल्हा व सत्र न्यायाधीश एस. सी. मुनघाटे यांनी भूषविले. बैठकीत विधी संघर्षग्रस्त बालकांचे पुनर्वसन, प्रलंबित प्रकरणांचा वेगवान निपटारा तसेच निरीक्षणगृहातील मुलांच्या शैक्षणिक व मूलभूत सुविधांबाबत सविस्तर चर्चा करण्यात आली. बालकांचे शैक्षणिक नुकसान टाळण्यासाठी कायमस्वरूपी शिक्षक व संगणक शिक्षक नियुक्त करण्याची आवश्यकता व्यक्त करण्यात आली. तसेच बालकांना आत्मनिर्भर बनवण्यासाठी रोजगाराभिमुख व्यावसायिक प्रशिक्षण दिले जात असल्याची माहिती देण्यात आली. निरीक्षणगृहातील काही अनाथ बालकांकडे वयाचा दाखला नसल्याने आधार कार्ड काढण्यात अडचणी येत असल्याचा मुद्दा उपस्थित झाला. यावर तातडीने कार्यवाही करून संबंधित बालकांना आधार कार्ड उपलब्ध करून देण्याचे निर्देश देण्यात आले. तसेच बालकांचा शोध न लागल्यामुळे प्रलंबित असलेल्या प्रकरणांबाबत पोलिस प्रशासनाने समन्वयाने कार्य करण्याच्या सूचना देण्यात आल्या. बैठकीस जिल्हा व सत्र न्यायाधीश एस. यु. बघेले, मुख्य न्यायादंडाधिकारी ए. एम. शहा, जिल्हा विधी सेवा प्राधिकरणाचे सचिव डी. एच. दाभाडे, बाल न्याय मंडळाच्या प्रमुख न्यायदंडाधिकारी शर्वरी जोशी यांच्यासह विविध विभागांचे अधिकारी उपस्थित होते. कार्यक्रमाची प्रस्तावना शर्वरी जोशी यांनी केली. सूत्रसंचालन महेश हळदे यांनी केले, पूजा राठोड यांनी आभार मानले. 00000

Comments

Post a Comment

Popular posts from this blog

बाळासाहेब ठाकरे स्पर्धा परीक्षा मार्गदर्शन व मोफत अभ्यास साहित्य अभियान

-
पालकमंत्री संजय राठोड यांच्या संकल्पना > आज दारव्हा येथून होणार अभियानाला सुरुवात > यवतमाळ जिल्ह्यातील युवक-युवतींना मिळणार स्पर्धा परीक्षेचे मोफत धडे > युपीएससी, एमपीएससीसह सरळसेवा परीक्षांविषयी मोफत ऑनलाईन मार्गदर्शन > ग्रामपंचायतींमध्ये मोफत स्पर्धा परीक्षा पुस्तके जिल्ह्यातील युवक-युवतींना विविध स्पर्धा परीक्षांविषयी मार्गदर्शन करण्यासाठी पालकमंत्री संजय राठोड यांच्या संकल्पनेतून बाळासाहेब ठाकरे स्पर्धा परीक्षा मार्गदर्शन व मोफत अभ्यास साहित्य अभियान राबविण्यात येणार आहे. या अभियानाची उद्या दि. २० जानेवारी दारव्हा येथून सुरुवात होणार आहे. या अभियानामुळे जिल्ह्यातील ग्रामीण भागातील युवक-युवतींना स्पर्धा परीक्षेविषयी अचूक मार्गदर्शन मिळण्यास मदत होईल. तसेच जिल्ह्यातील गरीब व होतकरू विद्यार्थ्यांना स्पर्धा परीक्षांचा अभ्यास करण्यासाठी मोफत अभ्यास साहित्य सर्व ग्रामपंचायतींमार्फत उपलब्ध करुन दिले जाणार आहे. केंद्रीय लोकसेवा आयोग आणि महाराष्ट्र लोकसेवा आयोगामार्फत घेण्यात येणाऱ्या विविध परीक्षा, विविध सरळसेवा भरती परीक्षांविषयी जिल्ह्यातील विद्यार्थ्यांना ...
Read more

अमली पदार्थापासून व्यसनमुक्तीकडे …

-
अनेकदा समाजात दारू आणि तंबाखू हेच अमली पदार्थ आहे असं समजलं जातं. परंतु आज समाजामध्ये भांग, गांजा, चरस, हीरोइन, एम.डी. पावडर यासारखे अमली पदार्थ आपल्या तरुणांच्या रक्तामध्ये दिसून पडतात. 26 जून हा दिवस आंतरराष्ट्रीय अमली पदार्थ विरोधी दिवस. यानिमित्त अमली पदार्थाच्या सेवनामुळे शारीरिक, मानसिक, बौद्धिक, सामाजिक व आर्थिक दुष्परिणाम आणि व्यसमुक्तीची माहिती. किशोरवयाच्या उंबरठ्यावर प्रत्येक जण शारीरिक, भावनिक व मानसिक स्तरावर एका नव्या परिस्थितीचा अनुभव करत असतो. हे वय म्हणजे पाण्याच्या प्रवाहासारखे असतं. आयुष्याचा प्रत्येक क्षण उत्साहात, उमेदीत तर कधी उन्मादात व्यतीत होत असतो. किशोर वयामध्ये नवीन प्रयोग करण्याचे, धोके पत्करण्याची मानसिकता तरुणांमध्ये असते. कधी पार्टीच्या निमित्ताने, तर कधी मित्राच्या दबावाखाली, सहजच उत्सुकता म्हणून अथवा सिनेमातील हीरो हीरोइन चे अनुकरण करून तरूणाई एखाद्या अंमली पदार्थाचे सेवन करत व्यसनाधीन होतात. तारुण्याचे अमृत प्राशन करत असतांना कळत-नकळत व्यसनाचा प्याला हातात येतो. मग पुष्कळदा मानसिक तणाव, उदासीनता, याच्या प्रभावाखाली किंवा उत्साह वाढवण्यासाठी या पदा...
Read more

यवतमाळ येथे 335 कोटी रु.च्या विविध विकास कामांचे लोकार्पण, भूमिपूजन आदिवासींच्या जीवनात येत्या ३ वर्षांत आमुलाग्र परिवर्तन घडेल -मुख्यमंत्री देवेंद्र फडणवीस

-
Image
यवतमाळ, दि. १३ : आदिवासी समाजाला विकासाच्या मुख्य प्रवाहात आणण्यासाठी केंद्र शासनाने महत्वाच्या योजना हाती घेतल्या असून, त्यासाठी देशात १ लक्ष कोटी रू. निधी उपलब्ध करून दिला आहे. महाराष्ट्रातही आदिवासी समाजासाठी घरे, रस्ते, वीज, पाणी, वसतिगृह व रोजगार अशा सुविधांसाठी योजना-उपक्रम राबविण्यात येत असून, पुढील ३ वर्षांत आदिवासींच्या जीवनात आमुलाग्र परिवर्तन घडेल, असा विश्वास राज्याचे मुख्यमंत्री देवेंद्र फडणवीस यांनी आज येथे व्यक्त केला. मुख्यमंत्री देवेंद्र फडणवीस यांच्या हस्ते यवतमाळ येथे एकूण 335 कोटी रु.च्या विविध विकास कामांचे लोकार्पण, भूमिपूजन तसेच विविध उपक्रमांचा शुभारंभ झाला, त्यावेळी ते बोलत होते. मृद व जलसंधारण मंत्री तथा जिल्ह्याचे पालकमंत्री संजय राठोड, महसूल मं...
Read more