खाजगी व सार्वजनिक क्षेत्रातील आस्थापनांनी ई-आर-१ ऑनलाईन सादर करावा* *ई-आर-१ सादर करण्याची अंतिम मुदत ३१ जानेवारी*

यवतमाळ, दि १० जानेवारी (जिमाका) :- कौशल्य विकास, रोजगार व उद्योजकता आयुक्तालय यांचे कडून पुरविण्यात येणाऱ्या रोजगार विषयक सर्व सेवा आता ऑनलाईन करण्यात आलेल्या आहेत. ऑक्टोबर-२०२२ ते डिसेंबर-२०२२ अखेर संपणाऱ्या त्रैमासिक करीता ई-आर-१ या प्रपत्राची माहिती संकेत स्थळावर सर्व शासकिय, निमशासकिय, खाजगी उद्योजक, आस्थापना यांनी ऑनलाईन सादर करावयाची आहे . त्यासाठी rojgar.mahaswayam.gov.in हे संकेतस्थळ विकसीत करण्यात आलेले आहे. आस्थापनांनी युझर आय.डी. व पासवर्डच्या माध्यमातून लॉग ईन करुन व त्याबाबतचे प्रमाणपत्र संकेतस्थळावरुन प्राप्त करुन घ्यायचे आहे. उद्योजक / आस्थापना यांनी सेवायोजन कार्यालय (रिक्तपदे अधिसुचित करण्याची सक्ती करणारा ) कायदा १९५९ व नियमावली १९६० कलम ५ (१) व कलम ५(२) अन्वये त्रैमासिक ई-आर १ ऑनलाईन सादर करणे बंधनकारक आहे. ऑनलाईन ई आर – १ सादर करतांना काही अडचण आल्यास जिल्हा कौशल्य विकास, रोजगार व उद्योजकता मार्गदर्शन केंद्र, यवतमाळ या कार्यालयाशी संपर्क साधावा, अथवा दुरध्वनी क्रमांक ०७२३२-२४४३९५ यावर संपर्क साधावा. ई-आर १ सादर करण्याची अंतिम मुदत माहे ३१ जानेवारी-२०२३ आहे. ई-आर १ ऑनलाईन सादर न करणाऱ्या कसूरदार आस्थापनावर विहित नियमानुसार कार्यवाही करण्यात येईल असे जिल्हा कौशल्यविकास, रोजगार व उद्योजकता मार्गदर्शन केंद्राच्या सहाय्यक आयुक्त विद्या शितोळे यांनी कळविले आहे. ००००००