सेवा समाप्त होमगार्डनी १५ जानेवारीपर्यंत अर्ज सादर करावा*

यवतमाळ, दि. ३ जानेवारी (जिमाका):- जानेवारी २०१० नंतर व जुलै २०१५ पुर्वी सेवा समाप्त झालेल्या होमगार्डस उमेदवारानी संघटनेत समावेशासाठी १५ जानेवारीपर्यंत विविध प्रमाणपत्रासह अर्ज जिल्हा समादेशक कार्यालयात सादर करावा, असे आवाहन जिल्हा समादेशक पियुष जगताप यांनी केले आहे. प्रपत्र अ नुसार कोणत्याही संघटनेत सदस्य होणार नाही, व प्रपत्र ब नुसार बेशिस्त वर्तन करणार नाही, याचे हमीपत्र सादर करावे. तसेच जिल्हा शल्यचिकित्सक यांचे प्रमाणपत्र व प्रपत्र ब नुसार चारित्र्य प्रमाणपत्र अर्जासोबत जोडावे. उशिराने सादर केलेल्या अर्जाचा विचार करण्यात येणार नाही तसेच पथकात येणाऱ्या एकूण अर्जांपैकी रिक्त जागा असल्यास उमेदवाराला सामाऊन घेता येईल. प्रपत्र अ व प्रपत्र ब होमगार्ड यवतमाळ जिल्हा कार्यालयाच्या जिल्हयातील समादेशक अधिकारी पथक कार्यालयाचे सुचना फलकावर उपलब्ध आहेत. यवतमाळ जिल्हयातील नमुद कालावधीत सेवासमाप्त केलेल्या होमगार्डसाठी असल्याने इतरांनी अर्ज करु नये, असे जिल्हा समादेशक तथा अपर पोलीस अधिक्षक पियुष जगताप यांनी कळविले आहे.