पदवीधर मतदार संघ निवडणुक* मतदानाच्या दिवशी मद्यविक्री बंद ठेवण्याचे आदेश*
यवतमाळ, दि.२५जाने.(जिमाका) : महाराष्ट्र विधान परिषद व्दिवार्षिक निवडणूक-२०२३ साठी ३० जानेवारी २०२३ रोजी मतदान होणार आहे. सदर निवडणूक शांततेत पार पाडण्याकरीता निवडणूक होत असलेल्या यवतमाळ जिल्ह्यातील विधानपरिषद, निर्वाचन क्षेत्रातील मद्य विक्री अनुज्ञप्त्या बंद ठेवण्याचे आदेश जिल्हाधिकारी अमोल येडगे यांनी दिले आहेत.
मतदानाची वेळ संपण्यापुर्वी ४८ तास आधी पासून दिनांक २८ जानेवारी २०२३ दुपारी ४ वाजता पासून दिनांक ३० जानेवारी २०२३ दुपारी ४ वाजेपर्यंत संपूर्ण यवतमाळ जिल्ह्याच्या क्षेत्रातील अनुज्ञप्त्या बंद राहील.
(एफएल-१,एफएल-२ सीएल/एफएल/टिओडी-३, एफएल/बिआर-२ एफएल -३,सिएल-२,सीएल-३ अनुज्ञप्ती ) बंद ठेवण्याचे आदेश देण्यात आले आहे. बंदच्या कालावधीत अनुज्ञप्ती मद्य विक्रीसाठी उघडी ठेवू नये. तसे आढळून आल्यास संबंधीत अनुज्ञप्ती व अनुज्ञप्तीधारकाविरुध्द कडक कार्यवाही करण्यात येईल, याची नोंद घ्यावी,असे जिल्हाधिकारी अमोल येडगे यांनी आदेशात म्हटले आहे
Comments
Post a Comment