राष्ट्रीय शिकाऊ उमेदवारी भरती मेळावा ९ जानेवारीला
यवतमाळ, दि. 3 जानेवारी (जिमाका):- शासकीय औद्योगिक प्रशिक्षण संस्था यवतमाळ येथे ९ जानेवारीला सकाळी साडेनऊ वाजता राष्ट्रीय शिकाऊ उमेदवारी भरती मेळाव्याचे आयोजन करण्यात आले आहे. या भरती मेळाव्यामध्ये जगप्रसिध्द सुझुकी मोटार गुजरात प्रायव्हेट लिमिटेड, हंसलपुर गुजरात या कंपनीचे प्रतिनिधी उपस्थित राहणार आहे.
लेखी परीक्षा व मुलाखत घेवून शिकाऊ उमेदवार म्हणून निवड करण्यात येणार आहे. तरी या मेळाव्यासाठी १८ ते २४ या वयोगटातील जास्तीत जास्त आय टी आय वेल्डर, फिटर, पेंटर जनरल, मेकॅनिक मोटार व्हेईकल, वायरमन, टर्नर, टुल्स अँड डाय मेकर, इलेक्ट्रिशियन, मेकॅनिक मोटार व्हेईकल, वायरमन, मेकॅनिक डिझेल उत्तीर्ण उमेदवारांनी सहभागी व्हावे. प्रशिक्षणार्थी यांनी मूळ कागदपत्राच्या झेरॉक्स प्रती सोबत आणणे आवश्यक आहे.
शिकाऊ उमेदवारांना प्रशिक्षणादरम्यान १६ हजार ९०० रुपये विद्यावेतन प्रति माह मिळणार आहे. या सुवर्ण संधीचा लाभ घेण्याचे आवाहन प्राचार्य व्ही. जे. नागोरे औद्योगीक प्रशिक्षण संस्था, यवतमाळ यांनी केले आहे.
Comments
Post a Comment