प्रोत्साहनपर लाभ योजनेतील शेतकऱ्यांनी आधार प्रमाणिकरण करावे

यवतमाळ, दि. ३१ मे (जिमाका):- महात्मा जोतिराव फुले शेतकरी कर्जमुक्ती योजना २०१९ अंतर्गत प्रोत्साहनपर लाभ योजनेची अंमलबजावणी सुरु असुन या योजनेंतर्गत ७४,९६१ लाभार्थ्यांच्या विशिष्ठ क्रमांकाची यादी पोर्टलवर प्रसिध्द करण्यात आली आहे. या यादीमधील ४,११३ लाभार्थ्यांनी अजुनही आधार प्रमाणिकरण केलेले नाही. यादीमधील ज्या लाभार्थ्यांनी अद्यापपर्यंत आधार प्रमाणिकरण केलेले नाही त्यांना प्रोत्साहनपर रक्कमेचा लाभ मिळू शकणार नाही. योजनेचे पोर्टलवर प्रसिध्द झालेल्या विशिष्ठ क्रमांकांचे यादीत नाव असलेल्या व अजुनही आधार प्रमाणिकरण न केलेल्या सर्व लाभार्थ्यांना आवाहन करण्यात येते की, त्यांनी जवळचे सेतू सुविधा केंद्रावर जाऊन त्वरीत आधार प्रमाणिकरण करुन घ्यावे. असे आवाहन जिल्हा उपनिबंधक, नानासाहेब चव्हाण यांनी केले आहे.