नऊ मृत्युसह जिल्ह्यात 450 जण पॉझेटिव्ह

 

Ø 351 जण कोरोनामुक्त

       यवतमाळ, दि. 3 : गत 24 तासात जिल्ह्यात नऊ मृत्युसह 450 जण नव्याने पॉझेटिव्ह आले आहेत. तसेच वसंतराव नाईक शासकीय वैद्यकीय महाविद्यालयाच्या आयसोलेशन वॉर्ड, विविध कोव्हीड केअर सेंटर आणि कोव्हीड हेल्थ सेंटरमध्ये भरती असलेल्या 351 जणांनी कोरोनावर मात केल्यामुळे त्यांना रुग्णालयातून सुट्टी देण्यात आली.

            जिल्हा परिषदेच्या आरोग्य विभागातर्फे प्राप्त अहवालानुसार मृत झालेल्या व्यक्तिंमध्ये यवतमाळ येथील 83, 70, 84 वर्षीय पुरुष आणि 52 वर्षीय महिला, पांढरकवडा येथील 35 वर्षीय पुरुष, घाटंजी येथील 60 वर्षीय महिला, दारव्हा येथील 62 वर्षीय पुरुष, दिग्रस येथील 84 वर्षीय महिला आणि बाभुळगाव तालुक्यातील 76 वर्षीय पुरुषाचा समावेश आहे. तसेच आज (दि. 3) पॉझेटिव्ह आलेल्या 450 जणांमध्ये 300 पुरुष आणि 150 महिला आहेत. यात यवतमाळ येथील 129 जण पॉझेटिव्ह, पुसद 68, वणी 46, उमरखेड 43, दिग्रस 40, आर्णि 24, पांढरकवडा 18, घाटंजी 18, दारव्हा 14, कळंब 14, बाभुळगाव 12, महागाव 7, नेर 6, मारेगाव 2, झरीजामणी 1, राळेगाव 1 आणि इतर शहरातील 7 रुग्ण आहे.

            शनिवारी एकूण 4917 रिपोर्ट प्राप्त झाले. यापैकी 450 जण नव्याने पॉझेटिव्ह आले तर 4467 जणांचे रिपोर्ट निगेटिव्ह आले. सद्यस्थितीत जिल्ह्यात 3136 ॲक्टीव्ह पॉझेटिव्ह असून यापैकी रुग्णालयात भरती 1310 तर गृह विलगीकरणात 1826 रुग्ण आहेत. तसेच आतापर्यंत एकूण पॉझेटिव्ह रुग्णांची संख्या 30226 झाली आहे. 24 तासात 351 जण कोरानामुक्त झाल्यामुळे जिल्ह्यात बरे झालेल्यांची एकूण संख्या 26414 आहे. तर जिल्ह्यात एकूण 676 मृत्युची नोंद आहे. सद्यस्थितीत जिल्ह्याचा पॉझिटीव्हीटी दर 10.74 असून मृत्युदर 2.24 आहे.

            सुरवातीपासून आतापर्यंत 281495 नमुने पाठविले असून यापैकी 278980 प्राप्त तर 2515 अप्राप्त आहेत. तसेच 248754 नागरिकांचे नमुने आतापर्यंत निगेटिव्ह आल्याचे आरोग्य विभागाने कळविले आहे.

नागरिकांनी लसीकरण करून घ्यावे - जिल्हाधिकारी येडगे           जिल्ह्यात 1 एप्रिल पासून 45 वर्षांवरील सर्व नागरिकांसाठी लस उपलब्ध झाली असून कोव्हीड पासून प्रतिबंधात्मक उपाययोजना तसेच स्वत:च्या आरोग्याच्या दृष्टीने स्वत: पुढे येऊन लसीकरण करून घ्यावे, असे आवाहन जिल्हाधिकारी अमोल येडगे यांनी केले आहे. आपल्या कुटुंबातील 45 वर्षांवरील सदस्यांना लसीकरणासाठी घेऊन जाण्याची मुख्य जबाबदारी कुटुंब प्रमुखाची आहे. त्यामुळे या गोष्टीला प्रथम प्राधान्य द्यावे. गत दोन दिवसांपासून लसीकरणाला चांगला प्रतिसाद मिळत असल्याचे त्यांनी सांगितले.           सद्यस्थितीत जिल्ह्यात 117 लसीकरण केंद्र सुरू असून यात यवतमाळ येथील शासकीय वैद्यकीय महाविद्यालय, ग्रामीण भागातील 51 प्राथमिक आरोग्य केंद्र तर शहरी भागातील 5 प्राथमिक आरोग्य केंद्र, 34 उपकेंद्र, 14 ग्रामीण रुग्णालय, 3 उपजिल्हा रुग्णालय आणि 10 खाजगी रुग्णालयांचा समावेश आहे. यवतमाळ शहरात शासकीय वैद्यकीय महाविद्यालय, लोहारा येथील जि.प. शाळा, पाटीपूरा येथील नागरी आरोग्य केंद्र, आठवडी बाजार, मोहा येथील प्राथमिक आरोग्य केंद्र, मुलकी उपकेंद्र, आर्णि रोडवरील वडगाव उपकेंद्र, उमरसरा येथील प्राथमिक आरोग्य केंद्र क्रमांक 1 आणि 2 येथे लसीकरण केंद्र सुरू आहे.