सर्व खाजगी व सार्वजनिक क्षेत्रातील आस्थापनांनी ई-आर-१ सादर करण्याचे आवाहन

यवतमाळ,दि.12 जुलै (जिमाका):-कौशल्य विकास,रोजगार व उद्योजकता आयुक्तालय यांचे कडून पूरविण्यात येणा-या रोजगार विषयक सर्व सेवा आता ऑनलाईन करण्यात आलेल्या असून त्यासाठी rojgar.mahaswayam.gov.in हे संकेतस्थळ विकसीत करण्यात आले असून उद्योजक/आस्थापना यांनी सेवायोजन कार्यालय,(रिक्तपदे अधिसुचित करण्याची सक्ती करणारा) कायदा १९५९ व नियमावली १९६० कलम ५ (१) व कलम ५ (२) अन्वये त्रैमासिक ई-आर १ ऑनलाईन सादर करणे बंधनकारक आहे. या अनुषंगाने माहे एप्रिल-२०२३ ते माहे जुन २०२३ अखेर संपणा-या त्रैमासिक करीता ई-आर १ या प्रपत्राची माहिती वरील संकेतस्थळावर सर्व शासकिय,निमशासकिय,खाजगी उद्योजक,आस्थापना यांनी त्यांचे युझर आय डी. व पासवर्डच्या माध्यमातून लॉग-ईन करून ऑनलाईन सादर करावयाची आहे, व त्याबाबतचे प्रमाणपत्र संकेतस्थळावरून प्राप्त करून घ्यावयाचे आहे. ऑनलाईन ई-आर १ सादर करतांना काही समस्या येत असल्यास जिल्हा कौशल्य विकास,रोजगार व उद्योजकता मार्गदर्शन केंद्र,यवतमाळ या कार्यालयाशी संपर्क साधावा अथवा या कार्यालयीन दूरध्वनी क्रमांकावर ०७२३२-२४४३९५ संपर्क साधावा.तसेच ई-आर १ सादर करण्याची अंतिम मुदत माहे जुलै २०२३ आहे.ई-आर १ ऑनलाईन सादर न करणा-या कसूरदार आस्थापनावर विहित नियमानुसार कार्यवाही करण्यात येणार आहे.याची कृपया नोंद घेण्यात यावी,असे सहायक आयुक्त, विद्या शितोळे,यांनी कळविलेले आहे.