जिल्हाधिकारी डॉ..पंकज आशिया रुजू
यवतमाळ, दि.24 (जिमाका) : जिल्हाधिकारी अमोल येडगे यांच्या बदलीने रिक्त झालेल्या जागी शासनाने नव्याने नियुक्त केलेले जिल्हाधिकारी डॉ.पंकज आशिया आज रुजू झाले. मावळते जिल्हाधिकारी श्री.येडगे यांनी त्यांचे स्वागत केले व त्यांना पदभार सोपवला.
डॉ.आशिया हे 2016 च्या तुकडीचे भारतीय प्रशासकीय सेवेतील (आयएएस) अधिकारी आहे. येथे रुजु होण्यापुर्वी ते जळगाव येथे मुख्य कार्यकारी अधिकारी म्हणून कार्यरत होते. त्यापुर्वी भिवंडी महानगरपालिका आयुक्त, नाशिक जिल्ह्यातील कळवण येथे उपविभागीय अधिकारी म्हणून कार्यरत होते.
डॉ.आशिया यांच्या भारतीय प्रशासकीय सेवेची सुरुवात यवतमाळ जिल्ह्यातूनच झाली आहे. या सेवेत आल्यानंतर एक वर्ष ते परिविक्षाधिन कालावधीत आर्णी येथे नगर परिषद मुख्याधिकारी, तहसिलदार व बाभुळगाव येथे गटविकास अधिकारी म्हणून त्यांनी काम केले आहे.
Comments
Post a Comment