सफाई कामगारांसाठी महात्मा फुले मागासवर्ग विकास महामंडळाची कर्ज योजना ; अनुसूचित जातीतील इच्छुकांनी ऑनलाईन अर्ज करण्याचे आवाहन

यवतमाळ,दि. 18 जुलै (जिमाका) :- सफाई कामगार व त्यांचेवर अवलंबून असणाऱ्यांच्या पुनर्वसनासाठी महात्मा फुले मागासवर्ग विकास महामंडळामार्फत कर्ज योजनस राबविली जात आहे. या योजनेंतर्गत कर्जासाठी अनुसूचित जातीमधील इच्छुकांनी ऑनलाईन अर्ज करण्याचे आवाहन महामंडळाचे जिल्हा व्यवस्थापक माधुरी ए. अवघाते यांनी केलेले आहे. महात्मा फुले मागासवर्ग विकास महामंडळाच्यावतीने राष्ट्रीय सफाई कर्मचारी वित्त व विकास महामंडळ नवी दिल्लीमार्फत अस्वच्छ सफाई कामगार व त्यांचेवर अवलंबून असणाऱ्यांच्या पुनर्वसनासाठी कर्ज योजना राबविल्या जाते. यवतमाळ जिल्ह्यासाठी 2023-24 या आर्थिक वर्षामध्ये एकूण 83 कर्ज प्रकरणांचे भौतिक उद्द‍िष्ट प्राप्त झालेले असून 370.80 लाख रुपयांचे आर्थिक उद्द‍िष्ट प्राप्त झालेले आहे. तरी इच्छुक पात्र अर्जदारांनी कार्यालयाशी संपर्क साधून कर्ज मागणीचा अर्ज mpbcdc.maharashtra.gov.in या संकेतस्थळावर ऑनलाईन पद्धतीने करण्याचे आवाहन महात्मा फुले मागासवर्ग विकास महामंडळाचे जिल्हा व्यवस्थापक माधुरी ए. अवघाते यांनी केलेले आहे. 000