दिग्रस येथील आदिवासी मुलांसाठीच्या शासकीय वसतिगृहाची ऑनलाईन प्रवेश प्रक्रिया सुरु

यवतमाळ, दि . 19 (जिमाका) : यंदाच्या शैक्षणिक वर्षासाठी दिग्रस तालुक्यातील आदिवासी मुलांसाठीच्या शासकीय वसतिगृहाची ऑनलाईन प्रवेश प्रक्रिया सुरु झाली असून अनुसूचित जमातीतील विद्यार्थ्यांनी अर्ज करण्याचे आवाहन करण्यात आले आहे. ही प्रवेश प्रक्रिया ऑनलाईन पद्धतीने होणार आहे. वसतिगृह क्षमता ७५ असून विद्यार्थी हा अनुसूचित जमातीचा असावा. वसतिगृहात विद्यार्थ्यांना मोफत उत्तम राहण्याची व भोजनाची व्यवस्था, निर्वाह भत्ता व इतर सुविधा पुरविण्यात येते. शासनाने ठरवून दिलेल्या निकषाप्रमाणे डीबिटीद्वारे रक्कम विद्यार्थ्यांच्या खात्यात जमा करण्यात येते, अशी माहिती वसतिगृहाच्या गृहपालांनी दिली. ००० --