राष्ट्रीय लोकअदालतीचे यवतमाळ जिल्ह्यातील सर्व न्यायालयामध्ये दिनांक 12 नोव्हेंबर 2022 रोजी आयोजन भांडणापेक्षा समझोता बरा, मिळेल त्यातच आनंद खरा, सामंजस्याने वाद मिटविणं यातच खरं शहाणपण, त्यासाठी तुम्हाला मदत करेल विधी सेवा प्राधिकरण

यवतमाळ, दि. 11 नोव्हेंबर (जिमाका):- राष्ट्रीय विधी सेवा प्राधिकरण, नवी दिल्ली आणि महाराष्ट्र राज्य विधी सेवा प्राधिकरण, मुंबई यांचे निर्देशानुसार दिनांक 12 नोव्हेंबर,2022 रोजी सकाळी 10.30 वाजता जिल्हा विधी सेवा प्राधिकरण, यवतमाळ व जिल्हा वकील संघ, यवतमाळ यांचे संयुक्त विद्यमाने जिल्हा न्यायालय, यवतमाळ येथे तसेच यवतमाळ जिल्ह्यातील सर्व तालुका न्यायालये येथे राष्ट्रीय लोकअदालतचे आयोजन करण्यात आलेले आहे. राष्ट्रीय लोकअदालतीमध्ये न्यायालयात प्रलंबित असलेले तडजोडीस पात्र दिवाणी व फौजदारी प्रकरणे, मोटार अपघात नुकसान भरपाई प्रकरणे, भुअर्जन मामल्याची प्रकरणे, महसुली प्रकरणे, वैवाहिक संबंधातील वाद प्रकरणे, बॅका व अन्य वित्तीय संस्थांचे नुकसान व वसुली प्रकरणे व तडजोडीस पात्र असणारी सर्व प्रलंबित व दाखलपुर्व प्रकरणे आपसी तडजोडीने निकाली निघणार आहे. सदर लोकअदालतीमध्ये वाद मिटविण्याकरिता न्यायाधीश, तज्ञ वकील व सामाजीक कार्यकर्ते यांचे मंडळ पक्षकारांस मदत करेल. तसेच लोकअदालतीमध्ये प्रकरण ठेवण्यासाठी कोणत्याही प्रकारची फी भरावी लागणार नाही. तरी सर्व पक्षकारांना कळविण्यात करण्यात येते की, दिनांक 12 नोव्हेंबर,2022 रोजी आयोजित राष्ट्रीय लोकअदालतमध्ये यवतमाळ जिल्ह्यातील इतर तालुका न्यायालयांत संपर्क साधुन आपली जास्तीत जास्त प्रकरणे आपसी तडजोडीने मिटवावीत असे आवाहन श्री एस. व्ही. हांडे, प्रमुख जिल्हा व सत्र न्यायाधीश तथा अध्यक्ष जिल्हा विधी सेवा प्राधिकरण, यवतमाळ आणि श्री अमित ए. बदनोरे, अध्यक्ष, जिल्हा वकील संघ, यवतमाळ यांनी केले आहे.