संविधान दिनानिमित्त विविध विभागांकडुन रॅलीचे आयोजन

यवतमाळ, दि 25 नोव्हेंबर (जिमाका):- संविधान दिना निमित्य 26 नोव्हेंबरला सकाळी साडेनऊ वाजता जिल्हा व सत्र न्यायालय येथुन 'संविधान जनजागृती' रॅलीचे आयोजन करण्यात आले आहे. सदर रॅलीचे उद्घाटन प्रमुख जिल्हा व सत्र न्यायाधीश तथा जिल्हा विधी सेवा प्राधिकरणचे अध्यक्ष एस. व्ही. हांडे यांचे हस्ते होणार आहे. सदर रॅलीमध्ये जिल्हा न्यायालयातील सर्व न्यायीक अधिकारी, सरकारी वकील, अध्यक्ष, जिल्हा वकील संघ, सर्व वकील मंडळी, कर्मचारी वर्ग तसेच अमोलकचंद विधी महाविद्यालय, यवतमाळ येथील विद्यार्थी- विद्यार्थ्यांनीचा सहभाग असणार आहे. सदर रॅलीचा मार्ग जिल्हा व सत्र न्यायालय, यवतमाळ येथुन पोस्ट ऑफिस चौक तसेच करवा मेडिकल ते पोस्टल ग्राऊंड ते एल. आय. सी. चौक ते जिल्हा न्यायालय येथे रॅलीची सांगता होईल.